Vendet e Bashkimit Europian do të duhet të përballen me një betejë të fortë me qytetarët e tyre, në përpjekjet për një ulje drastike të ndotjes.
Komisioni Europian po mbështet objektivin më ambicioz të reduktimit të dioksidit të karbonit për makinat dhe furgonat, duke parashikuar uljen me 45% deri në vitin 2030.
Objektivi fillestar ishte për uljen e nivelit të ndotjes me 15% deri në vitin 2025 dhe 30% deri në 2030-ën.
Muajin e ardhshëm, nisma pritet të kalojë për miratim. Pas kësaj, ligjvënësit e Bashkimit Europian, do të duhet të nisin bisedime të ashpra me 28 qeveritë e unionit mbi ligjin përfundimtar. Shtetet më të industrializuara u druhen shtrëngimeve në prodhim, por shqetësimin më të madh, e kanë shtetet me nivel më të ulët të ardhurash. Ndotja më e madhe vjen nga automjetet që kanë shumë vite në qarkullim dhe shume vendeve do t’u duhet të rifreskojnë “flotën” e tyre rrugore.
Rregullat e reja të Bashkimit Europian synojnë që deri në 2030 (pra pas pak më shume se një dekade) Vendet e BE-së në bllok të ulin emetimit të gazrave serë me të paktën 40% poshtë niveleve të vitit 1990.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
