Nëse jeni duke kërkuar për një punë të re, mund t’i bëni vetes pyetjen: “Cilin person me ndikim do të ftoja për një bisedë, nëse mund ta bëja?” Por e vërteta është se ju tashmë mund të keni njerëz të ndryshëm në rrjetin tuaj të kontakteve, që do të ishin të dobishëm për t’ju këshilluar. Herën tjetër që do të jeni duke menduar të gjeni një punë të re, merrni parasysh këto pesë lloj personash:
- Shefin tuaj
Kjo mund të tingëllojë e çuditshme, sepse shpesh duket se është më mirë të fshehësh faktin që po kërkon një punë të re. Por shefi juaj thjesht mund të jetë personi më i mirë për të biseduar.
Kur shefi juaj zbulon se keni qëllime aspiruese, mbase mund të gjejë një mënyrë për t’ju ndihmuar t’i arrini ato brenda kompanisë suaj aktuale ose departamentit tuaj aktual. Mos e përjashtoni mundësinë e një rritjeje në detyrë. Dhe nëse nuk ka një pozicion të përshtatshëm për përparimin tuaj, duke e lënë shefin tuaj të dijë se po kërkoni për një pozicion më të lartë do t’ju shohë si kandidat për një rritje ose ndonjë trajnim.
Sigurisht, kur bëni këtë bisedë, ju tregoni entuziazëm për rolin tuaj aktual dhe tregoni vlerësim për ato që keni mësuar nga shefat tuaj.
- Miqtë
Një tjetër grup i individëve që janë në një pozicion të shkëlqyer për t’ju ndihmuar të gjeni punën tjetër janë miqtë tuaj – një i njohur në kolegj, një koleg me të cilin punoni ose një mik me të cilin jeni njohur nga fëmijëria.
Mos kini frikë t’i drejtoheni miqve që punojnë në organizata të tjera dhe që ju respektojnë si profesionist. Pini një kafe me ta dhe pyetini nëse mund të kenë një pozicion në shoqërinë e tyre për të cilën jeni të kualifikuar. Kërkojuni atyre të thonë një fjalë të mirë dhe të caktoni një intervistë. Pjesa tjetër varet nga ju.
Lexo edhe: Hapet tuneli i Llogarasë, ulet me 30 minuta koha e udhëtimit për këtë segment
- Drejtuesit
Një rekomandim ose një fjalë e mirë nga dikush që është në një pozicion të lartë është i artë. Nëse keni bërë lidhje me drejtuesit përmes punëve të mëparshme ose rrjetëzimit, shpesh është vendi i shkëlqyer nga ku mund të kërkoni, pasi ata mund të jenë në një pozicion të mirë për t’ju ndihmuar të gjeni punën që kërkoni.
Pra, mendoni për të gjithë drejtuesit që ju njihni, përfshirë drejtuesit në kompaninë tuaj, ose drejtuesit që mund të takoni në një event dhe ftojini ata për një kafe dhe merrni drejtimin. Nëse jeni të sjellshëm, të respektueshëm dhe të drejtpërdrejtë, ata ka të ngjarë t’ju ndihmojnë.
- Profesionistët e burimeve njerëzore
Rekrutuesit dhe menaxherët e burimeve njerëzore janë gjithashtu një burim i shkëlqyer i këshillave dhe referencave. Është puna e tyre të ndihmojnë njerëzit të gjëjnë punë, kështu që ata do të jenë shumë të dobishëm.
- Familja juaj
Më në fund, anëtarët e familjes mund të jenë një burim efektiv për t’ju referuar diku. Prindërit mund t’ju krijojnë mundësi mjaft të mira ndërsa mbaroni universitetin apo doni të ndërroni punën tuaj, përmes kontakteve që ata kanë. Kështu që ftojini ata për ndonjë kafe dhe shikoni se çfarë mund t’ju sigurojnë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
