Kujdes nga dietat plot me proteina - Business Magazine Albania

Kujdes nga dietat plot me proteina


Nga Diola Dosti, Nutriciente

Në një studim të publikuar nga Atkins Center for Complementary Medicine, kërkuesit gjetën se individët obezë që iu nënshtruan dietës së pasur me proteina dhe të varfër në karbohidrate, patën sukses në uljen e peshës dhe uljen e nivelit të kolesterolit.

Ky studim u prezantua edhe në media si real, shkencor, për ta paraqitur këtë dietë si dietë që funksionon dhe është e sigurtë. Por, fatkeqësisht, media nuk shkroi më shumë se kaq.

Ajo që vlen të theksohet, është që këta individë obeze, iu nënshtruan kalorive shumë të kufizuara, jo me shume se 1450 kalori/ditë. Pra 35% me pak se sa ha një njeri mesatarisht në ditë. Nuk ka rëndësi nëse ha ‘krimba’ gjatë dietës. Janë 35% më pak kalori. Dhe nëse merr 1450kalori/ditë, sigurisht që do të biesh në peshë dhe nivelet e kolesterolit do të ulen për një periudhë të shkurtër kohore. Por, nuk mund të themi ngrënia e ‘krimbave’, është e shëndetshme. Konsumimi i dietave të tilla, sidomos tek femijët, shoqërohen me formimin e kalcium oxalateve ose gurë në veshka, vjellje, amenorrhea, kolesterol i lartë dhe mungesë vitaminash.

Lexo: 5 gënjeshtrat më të mëdha në industrinë ushqimore – A e dini se çfarë jeni duke ngrënë vërtet?

Disa studime tek individët që përdorin këto lloje dietash, gjetën se sasia e kalciumit që del nga urina e tyre, është 53% më e lartë, që përkthehet në dëmtim të kockave. Pra, humbja e sigurtë e peshës me dieta të tilla, mund të kushtojë shumë në shëndet. Në anën tjetër, disa studime të publikuara mbi dietat me pak karbohidrate dhe shumë proteina në Australi, thote se komplikimet si aritmi, problemet me zemër, vdekje e papritur, osteoporoza, dëmtimi i veshkave, rritja e riskut për kancer, mund të jenë të lidhura me reduktimin e karbohidrateve për periudha të gjata kohore.

Sipas një raporti në 2002, një adoleshente vdiq papritur pasi mbajti një diete të pasur në shumë proteina. Dietat e varfra në karbohidrate janë të rrezikshme për shëndetin human. Ju mund të humbisni peshë edhe nëse bëni kimioterapi apo nëse pini heroinë, por kjo nuk është një metodë e shëndetshme.

Lexo: Ekspertja e FAO-s Mary Kanny bën thirrje për sistem të fortë të kontrollit ushqimor për të penguar rreziqet nga klima

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0