Krijohet atlasi i qelizave njerëzore të zemrës - Business Magazine Albania

Krijohet atlasi i qelizave njerëzore të zemrës

Zemra e njeriut zbulohet me rezolucion shumë të lartë në atlasin e parë të qelizave të zemrës. Mbi 500 000 janë hartuar dhe analizuar një për një, deri në detajet më të vogla molekulare për të zbuluar se si funksionon një zemër e shëndetshme dhe çfarë mund të shkojë keq në rast sëmundjeje.

Rezultati, i cili mund të hapë rrugën për zhvillimin e terapive të personalizuara për ilaçet precize të së ardhmes, është botuar në revistën ”Nature” nga një grup ndërkombëtar që përfshin studiues nga Harvardi, ”Brigham Hospital”, instituti ”Wellcome Sanger”, qendra ”Max Delbruck Center for Molekular Medicine” dhe ”Imperial College” i Londrës.

Rezultati është pjesë e projektit të madh ”Human Cell Atlas” i cili synon të hartojë të gjitha llojet e qelizave të pranishme në trupin e njeriut: qëllimi i tij është i krahasueshëm me atë të Projektit të Gjenomit Njerëzor, i cili në vitin 2000 mori hartën e parë të ADN-së njeriut.

LEXO: Shkencëtarët italianë zbulojnë proteina riparuese të ADN-së të qelizave kancerogjene: nuk do të ketë më kimioterapi

Atlasi i qelizave të zemrës u bë duke përdorur 14 organe të shëndetshme nga dhuruesit që nuk kanë të drejtë për transplantim: studiuesit mblodhën dhe studiuan rreth 500 000 qeliza duke kombinuar analiza biokimike me një qelizë, teknikat e imazhit dhe të mësuarit automatik. Kështu ata ishin në gjendje të shihnin se cilat gjene ndizen dhe fiken në secilën qelizë, duke gjetur ndryshimet që dallojnë pjesë të ndryshme të zemrës. Në fakt, në secilin rajon ekzistojnë nëntipe të veçanta të qelizave që ndoshta kanë origjinë të ndryshme dhe që mund të reagojnë ndryshe ndaj terapive.

“Ne gjithashtu kemi hartuar qelizat e zemrës që mund të preken potencialisht nga virusi SarsCoV2 dhe zbuluam se qelizat e specializuara në enët e vogla të gjakut mund të vihen në shënjestër të virusit”, shpjegon studiuesja italiane Michela Noseda, e cila punon në ”Imperial College”. “Të dhënat tona janë një minierë informacioni për të kuptuar hollësitë e sëmundjeve të zemrës”, shtoi ajo.

ANSA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0