Koronavirusi i ri/ Danimarka planifikon të eliminojë deri në 17 milion nuselale

Danimarka, prodhuesi më i madh në botë i gëzofëve të një lloji nuselale, planifikon të eliminojë të gjithë specien në vend për të përmbajtur një formë të modifikuar të koronavirusit të ri. Kryeministri Mette Frederiksen tha të mërkurën se vendimi ishte marrë me një “hidhërim”, por ishte e nevojshme bazuar në rekomandimin e autoriteteve shëndetësore. “Virusi është modifikuar tek kjo specie dhe më pas është përhapur tek njerëzit,” tha Frederiksen.

Statens Serum Institut, autoriteti danez me seli në Kopenhagë që merret me sëmundje infektive, kishte gjetur pesë raste të virusit në fermat e kësaj specieje dhe 12 shembuj tek njerëzit që treguan ndjeshmëri të zvogëluar ndaj antitrupave, tha ajo. Lejimi i përhapjes së virusit mund të kufizojë potencialisht efektivitetin e vaksinave të ardhshme. “Ne kemi një përgjegjësi të madhe ndaj popullsisë sonë, por me mutacionin që është gjetur tani, ne kemi një përgjegjësi edhe më të madhe për pjesën tjetër të botës gjithashtu,” tha Frederiksen.

Sipas Danimarkës, ka rreth 15 milion dhe 17 milion nuselale në Danimarkë. Shpërthimet e koronavirusit në fermat e tyre të vendit kanë vazhduar pavarësisht përpjekjeve të përsëritura për të shkatërruar kafshët e infektuara që nga qershori. Një milion nuselale/vizon brenda një rrezeje prej 8.4 kilometra të infeksionit të dyshuar ose të konfirmuar të fermës u shkatërruan në Tetor. Policia, ushtria dhe rojet e shtëpisë së Danimarkës do të vendosen për të përshpejtuar procesin e shkatërrimit, tha Frederiksen. Kjo specie është eliminuar edhe në Holandë dhe Spanjë pasi u zbuluan infeksionet edhe atje gjithashtu.

Kryeministri tha se kufizime të reja do të futen në zona të caktuara të Danimarkës për të përmbajtur përhapjen e virusit të modifikuar, duke përfshirë rajonet e Hjorring, Frederikshavn, Bronderslev, Jammerbugt, Vesthimmerland, Thisted dhe Laeso. “Për fat të keq, banorët e këtyre rajoneve duhet të përgatiten për kufizime të mëtejshme në të ardhmen e afërt,” tha ajo.

CNN

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale