Koronavirus, zona që prej marsit nuk ka regjistruar asnjë rast - Business Magazine Albania

Koronavirus, zona që prej marsit nuk ka regjistruar asnjë rast

Rastet me Covid-19 po shtohen në të gjithë qytetet e Kanadasë, por në këtë shtet është një zonë ku virusi vdekjeprurës nuk ka ardhur kurrë. Kjo është zona e Nunavut, territori më i largët i këtij vendi, me 38 mijë banorë. Që nga dita e parë e pandemisë dhe deri më sot aty nuk është regjistruar asnjë rast me koronavirus. Kjo për disa arsye.

Masat e marra– Njëra prej tyre janë masat e sigurisë që kanë marrë autoritetet vendase. Që në mars, ndërsa kufijtë nëpër botë ishin mbyllur, u vendos ndalimi i hyrjes pothuajse për të gjithë personat që nuk janë rezidentë në këtë zonë. Ndërsa banorët rezidentë që riktheheshin në Nunavut do të qëndronin 2 javë, me shpenzimet e qeverisë, në hotele të dedikuara për ata, të kontrolluar nga policia. Rreth 7 mijë persona kanë qëndruar në këto qendra izolimi.

Pavarësisht se nuk ka asnjë të infektuar, mbajtja e maskave është e detyrueshme. “Vendimi mjaft drastik për të vendosur këto masa u mor për shkak të cenueshmërisë së mundshme të popullsisë ndaj Covid-19 dhe sfidave unike të rajonit të Arktikut,” thotë Dr Michael Patterson , kreu i shëndetit publik në Nunavut.

LEXO: Nuk do të ketë vaksinë për COVID-19 para zgjedhjeve amerikane

Inuitët, në fakt, përbëjnë mbi 80% të popullsisë së territorit. Dhe shumë bashkësi Inuit – në Nunavut dhe gjetkë – janë potencialisht në rrezik për disa arsye. Këto përfshijnë kushte joadekuate dhe të pasigurta të strehimit dhe nivele të larta të mbipopullimit, si dhe probabilitetin e lartë të prekjes nga tuberkulozi.

Izolimi natyror –  Përafërsisht 38 mijë banorë jetojnë të shpërndarë në 25 komunitete, në një sipërfaqe 2 milionë kilometra katrorë. Distancat janë “ndonjëherë befasuese”, pranon Dr. Patterson. Izolimi natyror ka të ngjarë të jetë pjesë e arsyes së mungesës së rasteve.

Vështirësitë – Izolimi mund të ndihmojë, por gjithashtu mund të krijojë pengesa. Në fakt, shumica e komuniteteve të Nunavut nuk kanë mundësinë për të kryer tamponë. Kur ekziston mundësia, kohët për të marrë rezultate janë të gjata. Aktualisht po bëhen përpjekje për të përmirësuar situatën e testimit.

Për më tepër, burimet mjekësore në zonë janë të kufizuara. Problemi më i madh është mungesa e shtretërve në spitalin e Iqaluit, që ka vetëm 35 vende. Ky spital mund të menaxhojë deri në 20 raste me Covid-19. Në rast të një shpërthimi, “njerëzit që kanë nevojë për trajtim ose për t’u shtruar në spital do të duhet të transportohen në spitale të tjera”.

TGCOM

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0