Korea e Jugut po e merr shumë seriozisht uljen e orëve të punës në vend.
Më herët këtë muaj, ajo aprovoi uljen e orëve të punës nga 68 në 52 dhe po punon shumë për vënien në praktikë të kësaj. Duke filluar që nga fundi i marsit, qeveria do të aplikojë “iniciativën e fikjes”. Kjo ka të bëjë me fikjen e kompjuterave dhe shmangien e të punuarit më shumë nga orari. E gjithë kjo do të aplikohet në 3 faza:
1. Kompjuterat do të fiken në orën 20:00 të ditës së premte.
2. Në të premten e 2-të dhe të 4-t të muajit, kompjuterat do të fiken në orën 19:30.
3. Muaji Maj, do t’i gjejë punonjësit me kompjuterat e fikur në orën 19:00 të premteve.
Korea e Jugut, “vuan” nga punonjësit e qeverisë, të cilët punojnë jashtë orarit në një sasi prej rreth 1000 orësh në vit. Qeveria shpreson se kjo iniciativë, do t’i bëjë ata të dalin nga puna më shpejt.
Lexoni: Puna jashtë orarit sjell vdekjen e një punonjësi në Japoni
Japonia, ishulli me të cilin Kora e Jugut është fqinj, vuan nga një “sëmundje kronike” e të punuarit jashtë orarit. Ajo gjithashtu, po mendon që të shkurtojë orët e punës. Vitin që shkoi, pasi një grua vrau veten nga “mbi-puna”, qeveria prezantoi “Premium Fridays”. Kjo i jepte mundësinë punonjësve të largoheshin më herët nga puna të premten e fundit të muajit. Por, shifrat e qeverisë tregojnë se rezultatet kanë qënë minimale. Vetëm 11% e punonjësve e kanë “përqafuar” këtë.
Ndërkohë, Korea e Jugut, do të presë edhe pak deri sa të marrë rezultatet e saj.
burimi: World Economic Forum
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto