Kontaktoni kompanitë e sigurimit për dëme prone, nëse keni siguracion, apo kredi të siguruar


Autoriteti i Mbikëqyrjes Financiare, u kërkon qytetarëve të prekur nga tërmeti I 26 nëntorit, të cilët kanë kontratë për sigurimin e banesës apo pronës nga katastrofat natyrore (tërmet, zjarr, përmbytje) të njoftojnë shoqërinë e sigurimit për dëmtimet e ndodhura.  Sipas AMF, pasi të njoftoni zyrtarisht për ngjarjen, një ekspert i shoqërisë së sigurimit paraqitet në banesën/pronën e dëmtuar për të evidentuar dëmet.

”Bëni kujdes që njoftimi i shoqërisë së sigurimit të kryhet brenda afateve të përcaktuara në kontratën e sigurimit’’, thotë AMF>

Të gjithë qytetarët mund të kontaktojnë shoqërinë e sigurimit në adresën e selisë qendrore apo në zyrat që ajo ka në rrethin ku ndodheni për të njoftuar dëmtimet e ndodhura në banesën apo pronën tuaj, si dhe për t’u informuar me detaje në lidhje me procedurat dhe afatet e trajtimit të kërkesave për dëmshpërblim. Çdo shoqëri sigurimi ka një faqe zyrtare interneti, ku ka të publikuar adresat dhe mënyrat e kontaktit.

Lista me shoqëritë e sigurimit të Jo-Jetës, të cilat ushtrojnë veprimtari në Shqipëri me adresat përkatëse gjendet edhe në faqen e internetit të AMF së  https://amf.gov.al/ts_shoqeri_sigurimi.asp

Nëse keni marrë një kredi bankare ju mund të kontaktoni dhe bankën për t’u informuar nëse keni siguruar banesën apo pronën tuaj, si dhe për të kërkuar asistencën që ju nevojitet.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale