Konfindustria bën me dije se 7358 biznese të tensionit 20, 10 dhe 6 Kv, duke filluar nga 1 janar 2022 nuk do të furnizohen më me energji elektrike me çmim të paravendosur nga ERE/Enti Rregullator i Energjisë. Parashikimet janë, që tarifat e energjisë për muajin janar të rriten me të paktën 200%. Metodologjia dhe cmimet përfundimtare të energjisë elektrike do të vendosen në mbledhjen e ERE në 29 Dhjetor 2022.
Rritja e tarifave të energjisë do të pasqyrohet drejtpërdrejt me inflacion, rritjen e çmimeve fundore të mallrave dhe shërbimeve për qytetarët fundorë, rritjen e kostove të bizneseve, ujen e mëtejshme të fuqisë konkurruese të ekonomisë kombëtare. Shqipëria ka çmimin më të lartë të energjisë elektrike në rajon për bizneset. Grupi në fjalë i bizneseve përbën pjesën më të rëndësishme të ekonomisë shqiptare.
Përfaqësues të OSHEE Group në forum u shprehën, se janë siguruar të gjitha kushtet infrastrukturore të nevojshme për liberalizimin e tregut si dhe garantimin e energjisë elektrike të bizneseve, në rast të mos-sigurimit nga ana e tyre në furnitorë jopublikë. OSHEE ka parashikuar të kryejë afër 90 milionë euro investime për përmirësimin e rrjetit të shpërndarjes së energjisë gjatë vitit të krizës globale 2022.
Përfundimet e mësipërme u paraqitën në Forumin e Infrastrukturës Energjitike në Kushtet e Liberalizimit të Tregut dhe Krizës Globale, organizuar nga Konfindustria dhe pjesëmarrje të biznesit, OSHEE dhe botës akademike.
Lexo: Disa shenja që tregojnë se keni një inteligjencë të lartë emocionale
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
