Sot dhe nesër në Shkup do të organizohet konferenca shkencore ”Hulumtim i zhvillimit të sipërmarrjeve në Ballkan”, me pjesëmarrës nga Kosova dhe Shqipëria.
Aktiviteti organizohet nga “Reaktor – hulumtimi në veprim” në bashkëpunim me “Public” dhe “Connect” nga Maqedonia, “Partners Albania” nga Shqipëria dhe “Qendra për paqe dhe tolerancë” nga Kosova.
Këto organizata e kanë zbatuar, së bashku, hulumtimin ”Sfidat dhe mundësitë e sipërmarrjeve sociale për punësimin e personave”, të mbështetur nga Programi rajonal për promovim të hulumtimeve në Ballkanin Perëndimor.
Në konferencë do të prezantohen hulumtimet më të reja që lidhen me zhvillimin e sipërmarrjeve sociale në rajon, por do të vendosen edhe themelet e konferencë të hulumtuesve në sferën e sipërmarrjeve sociale.
Projekti mbështetet nga Programi rajonal për promovim të hulumtimeve në Ballkanin Perëndimor, në bashkërendim me Universitetin e Friborgut në Zvicër dhe mbështetur financiarisht nga Agjensia zvicerane për zhvillim dhe bashkëpunim (SDC).
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
