Konferenca e Donatorëve, Shqipëria synon të mbledhë deri në 350 milionë euro


Mblidhen sot në Bruksel liderë të shumtë të Europës, në Konferencën e Donatorëve të thirrur nga Kryetarja e Komisionit Europian Ursula von der Leyen.

Oliver Varhelyi, Komisioneri Evropian për Zgjerimin dhe Fqinjësinë u pyet nga Euronews Albania disa orë para nisjes së konferencës së Donatorëve në Bruksel lidhur me pritshmëritë e tij për këtë event që synon mbledhjen e fondeve për rindërtimin nga tërmeti të Shqipërisë.

“Mendoj se sot do të shohim një ndihmë të konsiderueshme që do të vijë nga komuniteti ndërkombëtar, veçanërisht nga Evropa. Unë shpresoj të shoh ofrimin e një ndihmë shumë të rëndësishme për rindërtimin e Shqipërisë pas tërmetit. Ne shpresojmë të mbulojmë një pjesë mjaft të madhe të të gjitha dëmeve që janë shkaktuar,” u përgjigj komisioneri.

Lexo këtu: Mbështetje pas tërmetit. Nga diaspora e Bostonit nis fushata gjithëpërfshirëse

Pyetjes lidhur me shumën prej 300-350 milionë euro të përfolur deri më tani, komisioneri Varhelyi iu përgjigj: “Ne po punojmë ende dhe kemi gjithë ditën para nesh dhe shpresojmë të mbledhim në mënyrë të konsiderueshme më shumë se aq”.

Ministri i Rindërtimit, Arben Ahmetaj në një intervistë për televizionin “Klan”, duke folur për pritshmërinë nga Konferenca e Donatorëve ka deklaruar se synohet të mblidhet një fond prej 300 deri në 350 milionë euro. Nëse do të mblidhet një shifër poshtë kësaj pritshmërie, Ahmetaj thotë se Shqipëria do të gjendet përballë një vështirësie serioze financiare për të përballuar gjithë pasojat e tërmetit.

Në konferencë do të marrin pjesë vende anëtare të BE, partnerët e Ballkanit Perëndimor dhe përfaqësues nga vende të tjera si dhe organizata ndërkombëtare dhe institucionet ndërkombëtare financiare, përfshirë OKB dhe Bankën Botërore.

Gjatë konferencës, koordinatorja Kombëtare e Vlerësimit të Nevojave të Pas-Katastrofës, Milva Ekonomi do të prezantojë Raportin e Vlerësimit, ndërsa Ministri për Rindërtim, Arben Ahmetaj do të paraqesë mekanizmat financiarë për kanalizimin e fondeve të rindërtimit.

Konferenca e Donatorëve do të mbyllet në mbrëmje rreth orës 19:00, ku Komisioneri për Zgjerimin, z. Olivér Várhelyi do të bëjë të ditur përfundimet dhe fondin total që do t’i ofrohet Shqipërisë.

Deri tani, Komisioni Evropian ka ofruar një grand prej 15 milionë euro për rindërtimin. Për këtë, Presidentja e KE dhe Kryeministri i Shqipërisë do të nënshkruajnë marrëveshje gjatë Konferencës.

Ndërsa, Holanda përmes ministrit të Jashtëm, z. Stef Blok ka konfirmuar se do të dhurojë një shumë prej 3 milionë euro për vendin tonë. Ndërkohë, Kryeministri i Kanadasë, z. Justin Trudeau pas një takimi me Kryeministrin, Edi Rama në Mynih, ka konfirmuar se vendi i tij do të jetë pjesëmarrës në Konferencë.

Në raportin e udhëhequr nga Banka Botërore për dëmet e shkaktuara përllogaritet që fatura të jetë 1 miliard euro. Nga tërmeti i 26 nëntorit, 51 persona humbën jetën kurse rreth 1 mijë të tjerë u plagosën.

euronews.al

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale