Studiuesit në Helsinki kanë zhvilluar një teknikë me të cilën një kompjuter modelon perceptimin vizual duke vëzhguar sinjale nga truri i njeriut, apo thënë më thjesht – kompjuteri përpiqet të lexojë mendimet njerëzore, raporton NeuroScience.
Teknika kombinon përgjigjet natyrore njerëzore dhe aftësinë e kompjuterit për të krijuar informacion të ri. Në eksperiment pjesëmarrësve iu kërkua të shikonin imazhe të krijuara nga një kompjuter dhe pasi njerëzit u përgjigjën, kompjuteri krijoi një imazh të ri bazuar në atë reagim, sipas sinjaleve të marra nga të anketuarit.
Lexoni: Facebook do të integrojë mesazhet e Instagram, Messenger dhe WhatsApp
Prandaj, një kompjuter mund të krijojë një imazh krejtësisht të ri që përputhet me qëllimin njerëzor, domethënë mendimin, thotë Tuukka Ruotsalo, një studiues në Universitetin e Helsinkit dhe një profesor vizitor në Universitetin e Kopenhagës.
Shembulli i mësipërm është vetëm një nga përfitimet e mundshme të kësaj teknologjie të re. Ajo që do të ishte e dobishme nga ana sociale është fakti që kompjuterët mund ta përdorin këtë metodë për të përfshirë kreativitetin.
“Nëse dëshironi të vizatoni ose ilustroni diçka dhe nuk jeni të aftë, një kompjuter mund t’ju ndihmojë për këtë. Ju thjesht duhet të mbani shënim se në cilat detaje jeni përqendruar dhe të parashikoni se çfarë dëshironi të vizatoni,” thotë studiuesi Michiel Spape.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto