Kompania Novavax deklaron se vaksina e saj prodhoi antitrupa kundër COVID-19

Kompania Novavax

Një kompani e tretë amerikane ka prezantuar rezultatet e studimit, që tregojnë se vaksina e saj kundër COVID-19 është e sigurt dhe sjell përgjigje imune.

Novavax, Inc. publikoi të martën të dhënat e Fazës 1 nga 131 vullnetarë që tregojnë se pas dy dozave të vaksinës, pjesëmarrësit zhvilluan antitrupa neutralizues në nivele katër herë më të larta sesa antitrupat e zhvilluar nga njerëzit që ishin shëruar nga Covid-19. Antitrupat neutralizues luftojnë virusin që shkakton Covid-19.

“Kjo është diçka e mirë. Kjo është vërtet inkurajuese,” tha presidenti i Novavax, Dr. Gregory Glenn.

Vaksina shkaktoi gjithashtu një përgjigje nga qelizat T, një lloj qelizash imune, sipas një analize të 16 vullnetarëve të zgjedhur rastësisht, thuhet në raport.

Raporti është paraqitur në një përmbledhje mjekësore, por ende nuk është botuar osë rishikuar nga shkencëtarët jashtë Novavax. Pjesëmarrësit e studimit morën dy doza të vaksinës në sasi të ndryshme, me dhe pa një përforcues – një komponent për të forcuar sistemin imunitar, shkruan CNN.

Nga 126 personat që iu dha vaksina, pesë patën efekte anësore të rënda, duke përfshirë dhimbjen e muskujve, dhimbje në nyje, dhe një prej vullentarëve kishte temperaturë të moderuar. Efektet anësore zgjatën mesatarisht dy ditë ose më pak.

Lexoni: Vëzhgimi mbi ndikimin e COVID-19 në institucionet shqiptare të mikrofinancave

Novavax publikoi edhe ​​të dhënat e kafshëve, që kishte marrë në studim. 12 majmunë morën dy doza të vaksinës dhe më pas u ekspozuan ndaj virusit që shkakton Covid-19. Njëmbëdhjetë nga 12 majmunët nuk treguan shenja infeksioni në hundët ose mushkëritë e tyre. Një majmun, i cili mori një dozë të ulët të vaksinës, tregoi disa shenja të infeksionit në mushkëri, por të gjitha shenjat e infeksionit u zhdukën dy ditë më vonë.

Dy kompani të tjera amerikane – Moderna dhe Pfizer – kanë publikuar gjithashtu të dhëna inkurajuese të fazës 1. Javën e kaluar, këto dy kompani filluan provat e tyre në fazën 3 me 30,000 vullnetarë secila.

Novavax, Moderna, Pfizer, Johnson & Johnson, AstraZeneca dhe GlaxoSmithKline kanë marrë fonde nga Programi i Shpejtësisë Operative të qeverisë federale për të zhvilluar vaksina Covid-19 dhe dy kompani të tjera do të marrin gjithashtu fonde, sipas kreut të Programit, Moncef Slaoui.

Slaoui tha se ai pret që një vaksinë të jetë e disponueshme në dhjetor ose janar me doza të mjaftueshme për amerikanë me rrezik të lartë, të tillë si të moshuarit dhe ata me probleme të rënda shëndetësore. Ai tha se pret që të ketë vaksina të mjaftueshme për çdo amerikan deri në fund të vitit 2021.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale