Kompania e shqiptaro-amerikanit renditet tashmë mes gjigandëve botërorë në fushën e telekomunikacionit - Business Magazine Albania

Kompania e shqiptaro-amerikanit renditet tashmë mes gjigandëve botërorë në fushën e telekomunikacionit


UNIFI Communications, Inc., kompania amerikane lider në tregun e telekomunikacionit ndërkombëtar, pronë e shqiptaro-amerikanit Adrian Shatku ka blerë 100% të WIS TelecomS.p.A . dhe degën e saj, WIS Telecom S.A., nga LiberoAcquisition S.a.r.l. Kjo është, një strukturë investuese e Orascom TMT Investments S.àr.l. (“OTMTI”), e zotëruar në pjesën më të madhe nga z. Naguib Sawris nga Kajro, Egjipt. Blerja është njoftuar nga mediat më të mëdha ekonomike në botë, të cilat i kanë bërë jehonë kompanisë së shqiptaro-amerikanit Shatku.

Kjo blerje është shume sinergjike,” tha Adrian Shatku, themelues dhe drejtor ekzekutiv i UNIFI, “sepse UNIFI dhe WIS, në thelb, kanë biznese, rrjete, shtrirje gjeografike dhe klientë të ngjashëm. Kombinimi i të dyjave do e shtrijë më tej mbulimin tonë, do të ulë shpenzimet operative dhe do të ofrojë shërbime më cilësore për të gjithë tregun e telefonisë. Në tërësi, kjo do të përshpejtojë rritjen e biznesit tonë.”

Shatku theksoi se kompania WIS renditet e 15-ta në botë për sa i përket telekomunikacionit, sipas Telegeography, dhe ofron një portofol të gjerë shërbimesh telefonike, transmetim informacionesh dhe IP, të cilat plotësojnë nevojat e operatorëve të telefonisë fikse dhe celulare përmes një rrjeti me mbi 150 operatorë të rëndësishëm celularë dhe telekomunikacioni në 70 shtete. Shërbimet e WIS mbështeten në një rrjet ndërkombëtar telekomunikacioni të lidhur me infrastrukturat informatike më të mëdha në Shtetet e Bashkuara, Mbretërinë e Bashkuar, Hong Kong, Itali, Greqi, Gjermani, Francë dhe Belgjikë. WIS po ashtu zotëron një kabull me fibra optike nënujor mes Italisë dhe Greqisë.

kompania-e-shqiptaro-amerikanit-renditet-tashme-mes-gjigandeve-boterore-ne-fushen-e-telekomunikacionit-businessmagUNIFI Communications, me seli në Manhattan, NY, SHBA, është një kompani ndërkombëtare e telekomunikacionit dhe operator lider i shërbimeve dhe zgjidhjeve për sistemet e komunikacionit. Ajo ofron shërbime tejet konkurruese të terminimit masiv të thirrjeve, partneritete për shërbimet telefonike me parapagesë (branding, marketing dhe shitje të shërbimeve partnere) dhe shërbime për zhvillimin e infrastrukturës së rrjetit.

“Ky transaksion është pjesë e strategjisë tonë për transferimin e aseteve jothelbësore dhe konsolidimit të operacioneve sipas fokusit tonë të ri. Pas bashkimit me Vimplecom, biznesi ynë ka kaluar nga komunikimet zanore dhe celulare, apo operacionet e ngjashme, në teknologjinë dhe shërbimet e internetit,” komentoi zoti Naguib Sawiris. Ai shtoi: “Jam i kënaqur që po transferoj pronësinë e WIS te një kompani si UNIFI, e cila do e ndihmojë WIS të arrijë potencialin e plotë duke vazhduar të kujdeset për punonjësit dhe klientët. Shpresoj që marrëdhëniet e biznesit me UNIFI dhe z. Shatku do të vazhdojnë të forcohen edhe me shume ne te ardhmen..”

OTMTI zotëron një numër kompanish kryesore të fushës që shtrihen nga Europa, Azia, Afrika e Veriut dhe deri në Shtetet e Bashkuara. Portofoli i kompanive përfshin infrastrukturën e telekomunikacionit, renë informatike, përmbajtjet dhe shërbimet numerike, zhvillimin e teknologjisë dhe hosting; si edhe, por jo vetëm, OTMT, Supernap, Italia Online, DADA, IntYCascade dhe WIS.

 

burimi: Dita

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0