Një fans i makinave Ford dhe Tesla në Bosnje ka vendosur të mos presë që Tesla të nxjerrë në shitje modelin elektrik Cybetruck, që do të vijë në fund të 2021. Ai ndërtoi një version të tij të makinës futuristike.
U deshën 8 muaj për specialistët IT dhe inxhinierët në kompaninë Stark Solutions të Igor Kreziç për të zbërthyer një Ford Raptor F-150 në pjesët më të vogla dhe më pas për ta transformuar në një makinë të ngjashme me Cybertruck.
“Shëtitja e parë me këtë makinë në rrugët e qytetit të Mostarit tërhoqi shumë vëmendje”, tha menaxheri i kompanisë, Mario Coric, për Reuters. “Të gjithë po shikonin dhe gjysma e tyre mendonin se kemi ndërtuar një tank ngaqë nuk e njohin Cybertruck. Madje një vajzë ndaloi dhe pyeti nëse ky është vendi ku po prodhohet Tesla Cybertruck”.
Tani kompania që e ka ndërtuar po përpiqet ta regjistrojë megjithatë kanë hasur probleme për shkak të skajeve të mprehta të cilat nuk lejohen në Bosnje.
Makina është me karburant ndryshe nga elektriciteti që përdor Cybertruck dhe nuk është në të njëjtën madhësi. “Pronari dëshironte që ne të kombinonim dy anë të kundërta – Ford dhe Cyber - sepse ai është fans i Tesla-s dhe Ford-it, kështu që ne bashkuam dy shpirtra në një”, shtoi Coric.
Tesla ka planifikuar të ndërtojë një fabrikë 1.1 miliardë dollarë për Cybertruck në Teksas. Cybertruck kushton 39 mijë dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
