Kompania austriake, 380 milionë euro investim në Shqipëri


Kompania “Ivicom Holding GmbH”, në bashkëpunim me partnerët e saj, pritet të ndërtojë dhe zhvillojë një central gazi në Korçë, me një vlerë investimi prej 380 milionë euro. Ky central do të ketë një kapacitet prej 500 MW me një cikël të kombinuar, duke e shtuar ndjeshëm kapacitetin prodhues energjitik të vendit tonë, përpos burimeve të tjera ekzistuese.

Për zhvillimin e këtij projekti, kompania “Ivicom” ka krijuar një shoqëri të veçantë /SPV/ të quajtur “GPP Korça” me seli në Korçë. Ndërtimi i një centrali gazi të një madhësie të tillë në këtë zonë, ku do të kalojë edhe gazsjellësi TAP, pritet t’i ofrojë Bashkisë së Korçës dhe banorëve të saj një tjetër alternativë ngrohje dhe furnizimi me energji.

Centrali i gazit i cili pritet të ndërtohet nga kompania austriake “Ivicom”, i shtohet investimeve të tjera vendase dhe të huaja në fushën e energjisë, si ai i gazsjellësit TAP dhe kaskadës së Devollit, të cilat synojnë ta shndërrojnë gradualisht Shqipërinë nga një vend tërësisht të varur nga importet, në një prodhues të qendrueshëm të energjisë.

Burimi: AIDA

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale