Komisioneri për zgjerimin: Pa opozitën në parlament nuk ka progres drejt BE

Komisionieri i lartë për Zgjerimin dhe Fqinjësinë, Oliver Varhelyi ka zhvilluar një konferencë të përbashkët për mediat me kryeministrin Edi Rama.  Ai komentoi rezultatin e zgjedhjeve në Shqipëri duke theksuar pritet rezultati përfundimtar, ndërsa tha se një parlament i plotë dhe funksional është thelbësor dhe kusht për rrugën e vendit drejt BE.

Sipas Varhelyi, “sa i përket rezultatit e kam ndjekur dhe mendoj pas fushatës së zjarrtë janë rezultatet e qarta dhe zyrtare. Ne duam të shohim gjithë parregullsitë, qoftë edhe blerjen e votes, ndaj do të duhet të presim rezultatet përfundimtare dhe që kuvendi i ri të nisë punën. Pa një parlament të plotë nuk mund të ecet për në BE. Puna duhet të përshpejtohet, jo vetëm nga qeveria por edhe Kuvendi, ku të gjithë duhet të tregojnë punën. Presim rezultatet e apelimit që të ecim para”.

Lexo: Bizneset startup në takim me kryeministrin dhe drejtues të qeverisë

Nga ana e tij, kryeministri Edi Rama tha se mazhoranca është e hapur kurdoherë për bashkëpunim, duke ftuar opozitën të bëhet pjesë e parlamentit. Sipas tij, “bindja dhe vullneti im është që mandati i 3 të mos u ngjajë të parëve në luftën e brendshme, PS do braktisë luftën në llogore, banale, të panevojshme për vendin. Do të fokusohemi te punët e mëdha për të cilat jemi votuar. PD është e mirëpritur kurdo qoftë dhe sidoqoftë të kthehet me këmbë në tokë, për të hapur një aspekt diskutimi, pa asnjë kusht që të shtyjmë sa më shumë para punët dhe patjetër edhe integrimin. Nuk kam asgjë për të shtuar më shumë. Dua të rri larg polemikave të vjetra të partive, Shqipëria është një moment për të kaluar në majë, kemi potencial”.