Klik Ekspo Group tashmë prej tre dekadash është kthyer në ambasadorin më të mirë të diplomacisë ekonomike, duke tërhequr gjithnjë e më shumë investitorë të huaj në Shqipëri. Me kompani që vijnë nga 15 vende të ndryshme të botës në çdo edicion, ku pjesa më e madhe e tyre e kanë kthyer në një traditë pjesëmarrjen në Klik Ekspo Group, por midis tyre gjen edhe kompani të reja apo profesionistë individualë që vijnë për herë të parë dhe e shohin Shqipërinë si një treg me mjaft potencial për të investuar në profilet e tyre.
‘’Është hera e parë që vijmë në Shqipëri përmes Klik Ekspo Group. Shqipëria është nje vend shumëngjyrësh, një vend i hapur, shumë interesant me një kulturë të rrallë dhe po shoh që ndërtimet po zhvillohen jashtë mase dhe këto bashkë me turizmin janë disa nga faktorët që më kanë shtyrë për të ardhur këtu. Dhe me shumë mundësi do të investonim nëse do të gjenim një investitor, një partner që do të na përshtatej, pasi siç e patë edhe ju ne kemi karkateristikën tonë unike të veçantë dhe do na leverdiste një përshtatje, shkrirje e të dyjave, pasi investojmë në shumë sfera, në ndërtimin e shkollave, qendrave kulturore, ndërtesave të banimit, hoteleve etj. Por një fokus i veçantë i yni janë ndërtimi i pishinave, banjove termale dhe projekteve që kanë të bëjnë me mirëqenien fizike dhe shëndetin dhe po shohim që Shqipëria ka mjaft potencial edhe në këtë drejtim,’’ tha Andreas Ditschuneit, arkitekt gjerman që vjen për herë të parë në Tiranë dhe ka bashkëpunuar me kompani të rëndësishme në Francë, Luksemburg, Austri e shumë vende të tjera.
Lexo edhe: Blendi Gonxhja: Klik Expo Klik, tashmë një institucion në fushën e eventeve
Lidhur me ndërtimet në vendin tonë ai iu drejtua me një apel politikbërësve shqiptarë ndërsa tha, se duhet të ruhet natyra e bukur dhe të bëhet kujdes që në çdo ndërtim të respektohen rregulloret dhe parametrat e duhur për të mos dëmtuar mjedisin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
