Kjo helmetë që paloset mund të jetë aksesori i fundit për programet e shpërndarjes së biçikletave. Ajo përbëhet nga letra, është tepër e lehtë, paloset (pra tepër e lehtë për ta mbajtur kudo) dhe e lirë për t’u prodhuar.
Letra nuk dihet të ketë veti mbrojëse, por EcoHelmet mendon ta sfidojë këtë mendim me këtë dizajn të ri të helmetës. Pas marrjes së çmimit të vitit 2016-tës, produkti zyrtarisht është bërë i besueshëm për gjigandin e teknologjisë Britanike, Dyson.
Helmeta, e cila fitoi çmimin e parë në konkursin e dizajnit për vitin 2016 të Dyson, ka formën e një zhgualli që hapet e mbyllet si një grilë, e cila është mjaft e fortë për të mbrojtur kokën tuaj të çmuar. Ajo është bërë nga letra e ricikluar, e cila në të njëjtën kohë e bën këtë helmetë të jetë ekologjike por dhe mjaft ekonomike, çmimi i së cilës është vetëm 5 dollarë.
Për sa i përket fortësisë, dizenjuesja Isis Shiffer thotë se janë bërë shumë prova ku helmeta është shtypur nga pesha të rënda dhe ajo përsëri i ka rezistuar goditjeve. (shiko videon)
Vlen për t’u theksuar se kjo helmetë ka një numër të limituar përdorimesh dhe nuk mund të përdoret në shi. Por me çmimin e arsyeshëm që ka, përdoruesit e saj e kanë më të lehtë të blejnë një të re kur iu nevojitet.
Shniffer ka menduar ta prezantoj helmetën në New York këtë pranverë. Sfida më e madhe për të është: T’i shesësh njerëzve idenë se letra do t’i mbaj ata të sigurt.
https://www.youtube.com/watch?v=4J211PkuhEc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English