Kinematografia shqiptare, një industri pa financa - Business Magazine Albania

Kinematografia shqiptare, një industri pa financa

Kinematografia shqiptare

Fabio Seferi është ndër regjizorët e rinj në Shqipëri, që po teston veten në treg me filma me metrazh të shkurtër dhe së fundmi është angazhuar edhe në një projekt të madh.

Fabio kërkon shumë nga vetja, ndaj gjatë intervistës ai nuk ankohet për mundësitë e pakëta që regjisorët, apo producentët shqiptarë kanë në tregun e vogël shqiptar. 

Ai ka mbaruar regji filmi në universitetin e Arteve në vitin 2018, por që në vit të parë në universitet ka punuar në radio dhe televizion. Fabio është ndër ata pak regjisorë, projekti i parë i të cilit është financuar nga Qendra Kombëtare e Kinematografisë, “Mbjellja e Pemëve”. Ky është një film me metrazh të shkurtër, që duket i suksesshëm për Fabion, pasi ka arritur të projektohet edhe në Cannes. 

Pas kalimit me sukses të këtij testi, ai është angazhuar së fundi në një projekt filmi të gjatë, si asistent i parë.

Si regjisor i ri, ai mendon se burimet e financimit janë të kufizuara, por në rrugëtimin e tij të deritanishëm vlerëson mundësitë që i janë dhënë, duke theksuar më së shumti kontaktet me producentë. Duke iu referuar projekteve të kolegëve me më shumë përvojë, ai thotë se, “Edhe pse shumë projekte janë bërë me buxhete shumë të ulëta, kemi arritur të çojmë filma jashtë, sa producentët e huaj habiten me cilësinë e filmit në raport me financat me të cilat është realizuar”. Ai dallon te filmat e gjatë “Parullat” dhe “Delegacioni” dhe mes filmave me metrazh të shkurtër përmend “The Van”.

Qendra Kombëtare e Kinematografisë në fakt është burimi i vetëm publik i financimit të filmit shqiptar. Shqetësimi i producentëve, menaxherëve të marketingut dhe regjisorëve është se kinematografia shqiptare mbështetet shumë pak nga buxheti i shtetit. Me një fond që ka zbritur në rreth 1 milion dollarë në vit, fondi është 4 herë më i ulët krahasuar me atë të Kosovës. Shqipëria është shumë herë më e dobët se Maqedonia e Veriut në politikën e saj të promovimit të filmit në tregun ndërkombëtar. Fqinji ynë ka ndjekur politikën e promovimit, ashtu si edhe për ekonominë e saj, duke tërhequr vëmendjen e investitorëve, konsumatorëve dhe turistëve.

Për të lexuar artikullin e plotë abonohu në një nga paketat tona.
Kliko këtu për t'u abonuar.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0