Këto janë gjërat që ju pengojnë të bëni një gjumë të mirë
Përditësuar së fundmi: 23/02/2018

Këto janë gjërat që ju pengojnë të bëni një gjumë të mirë

Share
nga Neada Muçaj
Shk 23, 2018

Një mendje dhe një trup i shëndosh në një gjumë të thellë e të mirë.

Të bësh një gjumë të mirë do të thotë më shumë se të flesh në orarin e duhur. Çdo gjë që ju bëni ditën reflektohet në cilësinë e gjumit që bëni gjatë natës.

Për t’ju ndihmuar ne kemi renditur disa sjellje të zakonshme që mund të dëmtojnë gjumin, karburantin më të mirë për trurin tuaj.

1. Mos përdorni asnjë paisje dixhitale

Një numër i madh i hulumtimeve tregojnw se drita blu dhe e bardhë të emetuara nga ekranet dixhitale pengojnë trurin tuaj të çlirojë hormonin e melatoninës, i cili njofton trupin tuaj kur është koha për të fjetur gjumë.

Merrni shembull nga Arianna Huffington, bashkëthemeluese dhe redaktore e The Huffington Post, e cili nuk mban asnjë paisje teknologjike në dhomën e gjumi dhe lexon një libër të kopjuar para se të flerë.

Lexoni: Çfarë bëjnë njerëzit e suksesshëm për një gjumë të shëndetshëm?

2. Mos merrni pilula gjumi (vetëm nëse vuani nga pagjumësia).

Sipas shkencëtarit të gjumit në Harvard, Patrick Fuller, edhe nëse keni probleme me gjumin, ndoshta nuk keni pagjumësi, dhe pilulat e gjumit nuk do t’ju bëjnë mirë.

Këto medikamente zakonisht shoqërohen me shumë efekte anësore, nga dhimbja e muskujve në humbjen e kujtesës. Gjithashtu, Fuller tha se ato mund të jenë vartëse dhe problemet tuaja të gjumit mund të përkeqësohen pasi të keni marrë pilulat.

3. Mos konsumoni alkool.

Për ata që kanë një raport të ngushtë me alkolin, e dinë se pas disa gotave me verë ajo që vjen më pas është gjumi.
Por kërkimet sugjerojnë se kjo mund ta bëjë më të vështirë të qëndroni në gjumë. Ndërkohë që trupi juaj fillon të tresë alkoolin gjatë gjysmës së dytë të natës, ju mund të filloni të keni shqetësime.

4. Mos punoni në krevat (dhe në asnjë vend tjetër brenda dhomës së gjumit).

Ekspertët këshillojnë ta ruani dhomën e gjumit vetëm për të fjetur. Në të kundërt, dhoma e gjumit nuk do t’ju ofroj rehatinë duhur, dhe do ta keni më të vështirë për të rënë në gjumë.

5. Mos konsumoni kafeinë pas orës 17:00.

Një studim i bërë ka treguar se konsumi i 400 mg kafeinë (sasia e kafeinës në një filxhan kartoni) edhe gjashtë orë para orarit të gjumit ju pengon të flini.

Studiuesit sugjerojnë që njerëzit të limitojnë konsumin e kafeinës pas orës 17:00 dhe më vonë.

6. Mos konsumoni ushqime me yndyrë

Kërkimet e ndryshme tregojnë se ushqimi i konsumuar para gjumit mund të dëmtojë sasinë dhe cilësinë e gjumit, sidomos për femrat.

Në veçanti, ushqimet me yndyrë të lartë të konsumuara para orarit të gjumit reduktojnë kohën që njerëzit shpenzojnë në gjumin REM. (REM- faza kryesore e gjumit)

Nëse jeni të uritur natën vonë, ekspertët rekomandojnë të hani drithëra të shoqëruara me proteina, si gjalpi natyral i kikirikut në një fetë buke të bardhë gruri.