Edhe pse studioi për IT, ajo kuptoi se pasioni dhe talenti i saj lidhej me komunikimin me klientët. Rrugëtimin e sipërmarrjes e nisi në Greqi, por për Valbonën Greqia nuk është vendi që të jep mundësinë që të arrish aty ku do.Ajo u kthye në Shqipëri. Nuk e njihte mirë tregun dhe i është dashur gjashtë muaj kohë të studionte rreth tij.
Gjatë rrugëtimit të saj në biznes mirëpriti mentorimin nga eksperti hollandez Andrea Rei. Problemet që për Valbonën ishin madhore ai i konsideronte krejt normale në biznes. “Ne jemi një vend në zhvillim dhe kemi nevojë për ide kreative”, thotë ajo në emisionin “Think Big“. Pavarësisht vështirësive, ia ka dalë dhe ka arritur aty ku ka synuar. Sot Valbona zotëron 3 biznese dhe drejton një staf të madh.
Padyshim që përfshirja në biznes ka edhe sfidat e saj, sfida të cilat nuk e kanë penguar përgjatë këtij rrugëtimi.
Për të ndërtuar biznesin, ajo thotë se është shtyrë nga këmbëngulja, pozitiviteti që i sheh gjërat dhe analiza e hollësohme që u bën. E rëndësishme për të është të mos ndikohesh nga të tjerët, por të besosh fort në atë që ti do të arrish. Sipas saj mundësitë janë, mjafton dëshira dhe vullneti.
Ajo i fton sipërmarrësit e punonjësit të jenë kërkues ndaj vetes, pasi vetëm kështu mund të arrijnë sukses. “Mendojini gjërat pozitivisht mos kini frikë të ëndërroni”.
Ajo ndan me ne disa këshilla, bazuar në përvojën e saj:
- “Merr në dorë fatin tënd dhe mos prit që gjërat t’i bëjnë të tjerët për ty”.
- “Avantazhet më të mëdha t’i jep vendi yt”.
- “Ndiq pasionin”.
- “Analizo një situatë dhe përzgjidh më të mirën”.
- “Shikoji gjërat me pozitivitet”.
- “Nëse do diçka shumë, mund të arrish t’a realizosh dhe t’ia dalësh”.
- “Gjinia nuk është përcaktuese e suksesit të sipërmarrjes tuaj”.
- “Këmbëngul”.
- “Beso tek vetja, mos u ndiko nga të tjerët”.
- “Shfrytëzo mundësitë”.
Shiko videon këtu
https://www.youtube.com/watch?v=SGS9xwnHf5w
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
