Kërkohet një paketë mbështetje për industrinë e Durrësit. Mbi 130 sipërmarrje prodhuese të dëmtuara


Mbi 130 njësi industriale, kryesisht në zonën Durrësit janë dëmtuar nga goditjet e tërmetit të 26 Nëntorit. Vlerësimi vjen nga Konfindustria. Ajo kërkon që Qeveria, Kuvendi i Shqipërisë dhe institucionet shtetërore për rindërtimin e pasojave të tërmetit të aplikojnë programeve financiare dhe fiskale ndihme ndaj bizneseve në përgjithësi dhe industrive në veçanti.

Masa e parë e sygjeruar:

Raportimi i AMF/Agjencisë së Mbikqyrjes Financiare në Kuvendin e Shqipërisë për vlerën e plotë të dëmeve dhe grafikun kohor të shlyerjes së pagesave të dëmeve të siguruara nga shoqëritë të sigurimit.

Shumë industri kanë bërë sigurimin e biznesit. Sipas konfindustrisë, mund të ketë pasoja deri në faliment, në rast të shtyrjes në kohë, vonesave të qëllimta dhe shmangies së detyrimit ligjor për të paguar vlerat e plota financiare nga shoqëritë e sigurimeve.

Nevojitet një pakete e plotë ndihme fiskale, financiare për bizneset në zonat e prekura dhe vlerësimet e mundësive të aktivizimit të programeve të ndihmës nga BE për rastet e fatkeqësive natyrore.

Shkalla e dëmtimit të industrive në zonat e prekura shtrihet nga shkatërrimi i plotë ose i pjesshëm i konstruksionit të ndërtesave, njësitë teknologjike, makineritë, pajisjet, prodhimi i gatshëm dhe lëndët e para. Vlera e plotë e dëmë të industrive është në plotësim e sipër, por llogaritet në dhjetra milionë euro. Konfindustria vëren se, një pjesë e industrive kanë pezulluar punën dhe e kanë të pamundur të rifillojnë shpejt. Punonjësit e tyre njëkohësisht janë në gjendje të vështirë, pasi disave u janë dëmtuar banesat. Ndërsa bizneset nuk hasin vështirësi në furnizimin me ujë dhe energji elektrike.

Dëmet pritet të ndihen edhe në prodhim. Sipas Konfindustrisë, janë dëmtuar rëndë disa industri të rëndësishme në nivel kombëtar si p.sh në sektorë të mekanikës, aluminit, letrës, plastikës, etj. Ato punësojnë qindra punonjës. “Vonesat për rivënien në punë të këtyre sipërmarrjeve rrezikojnë seriozisht mbylljen përfundimtare të tyre dhe lënien pa punë të fuqisë puntore”, vëren Konfindustria.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale