Konfindustria vlerëson, se projekt buxheti 2025 është e nevojshme të shoqërohet me paketë fiskale dhe shpjegim më të plotë të mënyrës së shpërndarjes të shpenzimeve kapitale.
Konfindustria do të paraqesë në Kuvendin e Shqipërisë një paketë kërkesash lidhur me projektbuxhetin 2025. Ndër kryesoret përmendim:
- Uljen e ngarkesës fiskale të karburanteve me të paktën 35 lekë/litër, marrjen e masave rregullatore të pasqyrimit në çmimin fundor shoqëruar me luftën kundër kontrabandës masive në sektor. Çmimet e karburanteve në Shqipëri janë 65-70 lekë/ litër më të larta, sesa të shteteve të Rajonit , duke goditur rëndë konkurueshmërinë e industrive dhe prodhimit vendor.
- Rritjen e mbështetjes financiare me të paktën 150 milion euro ndaj industrive dhe prodhimeve bujqësore, me qëllim përafrimin në nivel të ngjashëm me shtetet rajonale konkurente. Fuqizimi i ndjeshëm i Lek-ut, interesat e larta të kreditimit, kostot e energjisë elektrike, etj. e bëjnë edhe më të domosdoshme shtimin e mbështetjes financiare për të shpëtuar industrltë dhe prodhimin vendor nga falimenti .
- Kalimin gradual në skemën e taksimit të thjeshtë pa pragje të nivelit të pagave, krahësimisht me sistemin përpjestimor. Sa më sipër kërkohet me qëllim mbështetjen e nismës së ekzekutivit për luftën kundër informalitetit në skemën e pensioneve dhe në ekonominë kombëtare në tërësi.
- Rritjen e investimeve kapitale në infrastrukturën e impianteve dhe rrjetit të pastrimit të ujrave të zeza dhe mberjeve të ngirta. Gjithashtu, kërkohen investime në kontrollin e mbetjeve industriale. Cilësia e pastrimit të ujrave urbane dhe mbetjeve të ngurta përbëjnë kërcënim serioz për qëndrueshmërinë e turizmit shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
