Katër produkte trendi që do ta bëjnë jetën tuaj më të lehtë dhe do ta zbukurojnë shtëpinë tuaj

Në jetën tonë të përditshme, vërejmë gjithnjë e më shumë se si pajisje të ndryshme me tituj “multitaskers” kanë “vjedhur” skenën, nga teknologjia dhe mobiljet me shumë funksione që na kursejnë me sukses kohë dhe hapësirë, ​​e deri tek aksesorët e bukurisë që e shkurtojnë kohën e kaluar para pasqyrës.

Përveç kursimit të kohës dhe parave, këta “multitaskers” duken estetikisht tërheqës. Kjo është arsyeja pse ne kemi zgjedhur katër produkte të domosdoshëm që përveçse na e bëjnë jetën më të lehtë, do ta bëjnë shtëpinë tonë më të bukur dhe komode.

Tavolina shumëfunksionale si një mundësi për të lënë një përshtypje estetike

Tavolina si një nga mobiljet kryesore mund të gjendet në forma të ndryshme dhe për qëllime gjithashtu të ndryshme. Më shpesh ne vlerësojmë ekonominë dhe multi-funksionalitetin e tavolinave që përdoren për shumë qëllime. Këto tryeza janë të dizajnuara me rafte që shndërrohen në tavolina të vogla ngrënieje, hapësira pune për laptopë dhe pajisje zyre sa hap e mbyll sytë, e gjitha në varësi të nevojave tuaja. Por për shkak të mundësisë së tyre për t’u transformuar, nuk kanë pse të duken sikur kanë dalë nga filmi “Transformers”. Komponenti estetik nuk duhet të komprometohet kurrë për shkak të shumë funksionalitetit.

Kështu, në ofertë mund të gjejmë tavolina elegante me shumë qëllime që me elementët vizualë, si forma, ngjyra dhe gjeometria, përfaqësojnë kryevepra të vërteta. Në varësi të stilit tuaj dhe shijes personale, ato mund të kombinohen me veçori të teknologjisë së lartë, në frymën romantike të Provences franceze ose, nëse jeni adhuruese e thjeshtësisë, në një stil minimalist. Pra, një tryezë me shumë qëllime sot bëhet një mobilje e domosdoshme që do të pasurojë dhe do të bëjë praktike çdo hapësirë.

Filtrues ajri për ajër të pastër dhe atmosferë të shëndetshme

‘Diffuser’ është një pajisje, puna e së cilës është pastrimi i ajrit, freskimi i dhomës dhe largimi i insekteve. Sigurisht që i përket kategorisë së pajisjeve multi-tasking të domosdoshme në shtëpinë tonë. Veç shumëfunksionalitetit, ‘diffuser’ gjenden në lloje të ndryshme dhe modelesh tërheqëse nga ana estetike. Pavarësisht nëse është një ‘diffuser’ elektrik ose me një qiri, metal ose terrakotë, zgjedhjet e ndryshme të kësaj pajisjeje na lejojnë ta përshtatim këtë multitasker inteligjent në mënyrë perfekte në çdo hapësirë ​​jetese. Një bonus shtesë është se disa pajisje kanë aftësinë të lëshojnë ngjyra, gjë që sjell një atmosferë të veçantë në dhomën në të cilën ndodhet.

Përsosja estetike 

Pasqyra si mbajtëse bizhuterish

Pavarësisht nëse kemi një apartament me hapësirë apo një studio-apartament, të gjithë duam të ruajmë pak hapësirë ​​dhe ta bëjmë shtëpinë tonë më të organizuar. Megjithëse jemi të familjarizuar me shtretërit me tërheqje që përmbajnë sirtarë ruajtjeje, ka ende mobilje të paeksploruara shumëfunksionale që mund ta bëjnë jetën tonë më të lehtë dhe më të thjeshtë. Një prej tyre është një pasqyrë që gjithashtu përmban një kabinet të fshehtë për ruajtjen.

Ky produkt është ideal për të ruajtur të gjitha gjërat e vogla, dhe ju këshillojmë të ruani bizhuteri që shpesh na mundojnë për ruajtjen dhe organizimin. Në raftet që fshihen pas pasqyrës është vendi ku bizhuteritë do të jenë gjithmonë në një vend të dukshëm, të ruajtura, të organizuara dhe të sigurta. Kjo zgjidhje është ideale për banjat, por gjithashtu mund të integrohet mirë në korridor dhe dhomë gjumi. Krahas funksionalitetit të saj, nëse është përfshirë siç duhet, ajo gjithashtu mund ta bëjë hapësirën vizualisht më të madhe.