Katër mënyra për të krijuar artikuj tërheqës për blogun tuaj


Nëse shkrimi i artikujve, për t’u publikuar në profilin tuaj në LinkedIn ose blog, është pjesë e planit të marketingut për biznesin tuaj, atëherë ju në vetvete keni një qëllim. Qëllimi juaj është të zgjeroni sa më shumë të jetë e mundur audiencën tuaj.

Të kesh diçka për të thënë dhe të dish t’a përcjellësh atë në mënyrën më të mirë të mundshme, lidhet direkt me rritjen dhe ndërtimin e audiencës tuaj. E rëndësishme është që të shkruani në mënyrë tërheqëse. Nëse shkrimi do të jetë i tillë, keni më shumë gjasa që të rrisni interesin e të tjerëve për t’a lexuar. Në këtë artikull janë katër këshilla, se si ju të shkruani artikuj tërheqës në profilin tuaj në LinkedIn apo në blogun tuaj :

Shmangni paragrafët e gjatë
Ju dëshironi që artikulli juaj të jetë i lehtë për t’u kuptuar dhe që në thelb të përcjellë mesazhin. Një mënyrë për t’a bërë këtë, është të bëni paragrafë të shkurtër me maksimumi 4 fjali.  Nëse paragrafi juaj paraqet thelbin, atëherë çdo gjë është e qartë për lexuesin.

Lexo: 7 të vërteta të padëshiruara për marketingun e artikujve

Shkruani nëntituj
Ju gjithashtu dëshironi të shmangni shkrimet e gjata, të cilat në pamje të parë mund të duken si tekste të kopjuara. Mendoni t’a organizoni shkrimin tuaj në copëza dhe më pas të shkruani nëntituj që përmbledhin paragrafët. Në shkrimin tuaj, ju duhet t’ju jepni lexuesve hapësirën e pushimit gjatë leximit.

Shtoni foto në artikujt tuaj
Ju duhet të ilustroni artikullin tuaj. Minimumi artikulli juaj duhet të ketë një foto kryesore. Hedhja e fotove brenda në artikull, nuk duhet të mungojë, pasi ilustrimi me foto i vjen në ndihmë lexuesit, për të kuptuar qartazi atë ç’ka doni të transmetoni. Hedhja e fotove në brendësi të tekstit, i jep mundësinë lexuesit të vendosë në funksion imagjinatën. Duhet të bëni kujdes me fotot e marra nga internet, pasi mund të cënoni të drejtën e autorit.

Lexo: Çfarë lexojnë çdo mëngjes personat më të suksesshëm të botës?

Nuk është e nevojshme të thoni gjithçka në një artikull
Rregulli bazë i shkrimit të një artikulli, është që të përmbajë nga 350 –  900 fjalë. Mos u zgjasni shumë në artikujt tuaj. Me rëndësi është të paraqisni thelbin, idenë kryesore, apo të krijoni një seri artikujsh, që lidhen me idenë tuaj fillestare. Ju dëshironi që shkrimi juaj të informojë dhe nxisë audiencën, për t’a lexuar sa më shumë artikullin. Të pasurit artikuj të mirëorganizuar dhe tërheqës, ndihmon në rritjen e lexueshmërisë. Kjo do të bëjë që artikujt tuaj në LinkedIn ose në blog, të tërheqin më shumë vëmendjen e lexuesve.

Inc

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale