Më 17 qershor, në fillim të sezonit të zjarreve në shtetin e Washington-it, një zjarr shpërtheu në një zonë të pabanuar në qarkun Mason, në mes të pyjeve të dendura dhe majave të larta të Gadishullit Olimpik. Askush nuk telefonoi numrin e emergjencës 911 për ta raportuar, dhe departamenti lokal i zjarrfikësve nuk kishte dijeni që territori i tyre ishte në flakë.
Megjithatë, brenda pak orësh, zjarri u shua dhe dogji vetëm 20 hektarë. Kjo falë kamerave të trajnuara me inteligjencë artificiale (AI) të vendosura në pika strategjike, të cilat dërguan paralajmërime në qendrat e kontaktit të zjarrëfikësve. Këto kamera, të zhvilluara nga startup-i Pano AI, janë të afta të zbulojnë re tymi – shenjën më të hershme të një zjarri në formim.
Pasi konfirmuan zjarrin, Pano AI njoftoi Departamentin e Burimeve Natyrore të Washington-it (DNR), i cili dërgoi zjarrfikës në vendngjarje. Koordinatat nga kamerat i udhëzuan ata deri në 30 metra nga burimi i zjarrit.
“Pa këto kamera, zjarri do të ishte bërë shumë më i madh përpara se të tërhiqte vëmendjen,” tha Thomas Kyle-Milward, menaxher i komunikimit për zjarret në DNR.
Në fakt, shpejtësia ka rëndësi. “Sa më shpejt të veprosh në një zjarr, aq më të zvogëluar mund ta mbash atë,” shtoi ai.
DNR filloi një program pilot me Pano AI vitin e kaluar, duke vendosur 21 kamera në zona të rrezikut të lartë për zjarre në Washington. Kontrata është zgjatur deri në vitin 2029, me një kosto prej rreth 45,000 dollarë për secilën kamerë, për një total vjetor prej 948,000 dollarësh.
Lexo edhe: Mark Zuckerberg zbulon “gabimin e tij 20-vjeçar”
Pano AI ka vendosur kamera në 12 shtete dhe provinca në SHBA, Kanada dhe Australi, duke mbuluar 16 milionë hektarë tokë. Teknologjia ka ndihmuar në zbulimin e zjarreve të vogla përpara se ato të bëhen të dukshme në imazhet satelitore. Teknologji si kjo është pjesë e një pakete gjithnjë e më të sofistikuar të metodave të reja për luftimin e zjarreve, të cilat po integrohen gjithnjë e më shumë në përpjekjet për të përballuar ndikimet e ndryshimeve klimatike.
Përkundër avancimeve teknologjike, pjesa më e madhe e punës vazhdon të kërkojë ndërhyrjen njerëzore. Operacionet e kontrollit të cilësisë dhe trajnimi i vazhdueshëm janë kritike për të përfituar plotësisht nga këto zgjidhje teknologjike.
Në fund të fundit, “ende duhen njerëz, dhe duhen njerëz të zgjuar,” përfundoi Dehr.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
