Shumë njerëz mendojnë se suksesi profesional vjen vetëm me orë të gjata dhe sakrifica të pafund. Por Harley Finkelstein, presidenti i Shopify, thotë se disa nga punonjësit më të mirë që ka njohur janë ata që punojnë vetëm 40 orë në javë, dhe arrijnë performancë të jashtëzakonshme. Sekreti? Efikasiteti i jashtëzakonshëm.
Lexo gjithashtu: Eksperti i produktivitetit tregon 2 rutina që do t’ju bëjnë më të fokusuar dhe të lirë pas punës
Në një episod të podcast-it “Aspire with Emma Grede”, Finkelstein shpjegoi se nuk ka nevojë të rrish deri vonë në zyrë për të pasur rezultate. Ai vetë ka kaluar periudha kur punonte 80 orë në javë, por kur u bënë prindër, prioritetet ndryshuan dhe orët e punës u reduktuan.
Sipas tij, termi “work-life balance” nuk e përshkruan dot realitetin. Në vend të kësaj, ai flet për “work-life harmony”, harmoninë mes punës dhe jetës personale. Disa ditë mund të punosh të shtunave, disa të tjera mund të bësh një shëtitje me partnerin. Ideja është të gjesh ritmin që funksionon për ty dhe për jetën tënde.
Të njëjtin koncept e ndjekin edhe liderë të tjerë të njohur. Satya Nadella dhe Jeff Bezos gjithashtu favorizojnë harmoninë mbi “balancën” e punës dhe jetës, duke theksuar se lumturia në shtëpi përmirëson performancën në punë dhe anasjelltas.
Mesazhi është i qartë, suksesi nuk matet me numrin e orëve që kalon në zyrë, por me mënyrën si përdor kohën dhe si ruan ekuilibrin tënd të veçantë midis punës dhe jetës personale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
