Instagram do t’i dërgojë njoftime paralajmëruese përdoruesve kur përshkrimet e tyre në një fotografi ose video mund të konsiderohen fyese.
Aplikacioni për shpërndarjen e fotografive dhe të videove është duke shfrytëzuar një sistem të inteligjencës artificiale për të zbuluar titrat fyese. Qëllimi, sipas Instagram, është ‘t’iu jepet përdoruesve mundësia që t`i rishikojnë ato çfarë kanë shkruar”.
Ky rregull i ri do të nisë zbatimin menjëherë në disa vende, rregull që synon të ndihmojë luftën kundër ngacmimeve në internet, të cilat janë kthyer në problem madhor për platformat si Instagram, YouTube dhe Facebook.
Nëse një përdorues shkruan titra fyese në Instagram, ai do të marrë një njoftim të shpejtë që do ta informojë se titrat e tij janë të ngjashme me ato titra që janë raportuar si ngacmime dhe do t’i kërkohet t’i ndryshojë përpara se të publikojë postimin.
Muaj më parë, Instagram ndërmori edhe një masë të ngjashme që i njofton përdoruesit kur komentet e tyre në postimet e njerëzve të tjerë në Instagram mund të konsiderohen fyese.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English