Ja disa mënyra për të punuar efektivisht nga shtëpia

Ja disa mënyra për të punuar efektivisht nga shtëpia


Gjatë këtyre ditëve gjithnjë e më shumë njerëz po punojnë nga shtëpia. Është e rëndësishme që të vazhdojmë të jemi produktivë, por edhe t’i përkushtohemi familjes në shtëpi.

Octavian Pantis, bashkëthemelues i TMI Romania & Qualians, së bashku me kolegun e tij Jens Dalgaard, sjellin një listë këshillash për të përmirësuar efektivitetin e punës nga shtëpia.

Punoni nga shtëpia në mënyrë efektive

  1. Filloni punën herët në mëngjes, kështu ju do të mbaroni herët dhe do të jeni të lumtur me arritjet tuaja.
  2. Punoni në një ambient të qetë dhe dedikuar punës, shpenzoni kohë aty dhe thuajini familjes se jeni në “punë”.
  3. Planifikoni telefonatat dhe konferencat që do të zhvilloni me të tjerët, në këtë mënyrë nuk do të ndërprisni punën e askujt. Përdorni videot për të komunikuar dhe për të nxjerrë në pah shpirtin e skuadrës.
  4. Ndani planet tuaja me shefin dhe kolegët, të gjithë do ta dinë se çfarë jeni duke bërë dhe kur jeni të disponueshëm për ta.
  5. Bëni pushime rregullisht dhe merrni pak ajër, kështu ju ruani energjitë tuaja.
  6. Bëni punë në grup, për të qenë më produktivë.
  7. Shmangni gjërat personale, ndërkohë që jeni duke punuar. Në këtë mënyrë nuk do të shpërqendroheni.
  8. Përfundojeni ditën e punës me një plan për të nesërmen, në këtë mënyrë do të jeni gati në mëngjes.
  9. Qëndroni larg punës në kohën tuaj të lirë. Lërini pajisjet dhe detyrat në “punë” dhe shpenzoni pjesën tjetër të kohës me familjarët tuaj.

Nëse i bëni të gjitha këto, ju do të arrini më shumë sesa rezultati mesatar i një dite në zyrë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0