1. Qartësohuni mirë se përse doni të filloni biznesin tuaj
Lidhja me “veten tuaj” të brendshme duke iu drejtuar me “përse” është hapi i parë i rëndësishëm që mund të merrni. Mbase ju jeni i motivuar për të qenë shefi i “vetes” suaj, nga pavarësia financiare, liria e kohës, shprehja e kreativitetit, qënia në shtëpi me fëmijët ose ndihma ndaj të tjerëve. Cilado qoftë arsyeja, kur e dini që ju motivon dhe ju nxit do t’ju mbajë të fokusuar dhe të angazhuar drejt ëndrrës suaj kur gjërat të vështirësohen.
2. Angazhohuni për ëndrrën tuaj
Pasja e dëshirës që diçka të funksionojë përkundër angazhimit për ta bërë atë realitet janë shumë të ndryshme nga njëra-tjetra. Kur angazhoheni për ëndrrën tuaj, ju po bëni një premtim për të arritur suksesin. Kjo do të thotë se jeni tërësisht të angazhuar, gjeni zgjidhje kur përballeni me pengesa dhe nuk braktisni, pavarësisht gjithçkaje. Bëjeni këtë zotim për veten tuaj, dhe më pas tregojuani të tjerëve.
3. Krijoni një vizion personal për biznesin tuaj
Mendoni rreth asaj se çfarë doni në një vit për biznesin tuaj dhe shkruajeni. Tregohuni specifikë dhe të detajuar. Përshkruani me shumë detaje në kohën e tashme ditën tuaj ideale, me çfarë aktivitetesh merreni, cilët janë konsumatorët/klientët tuaj, sa konsumatorë/klientë keni dhe çfarë të ardhurash mujore keni.
Lexojeni me zë çdo mëngjes dhe darkë vizionin tuaj, duke u fokusuar plotësisht në rezultatin final: biznesin tuaj që lulëzon. Duke mbajtur fokusin tuaj të rezultati, do të jeni të aftë të bëni zgjedhje të përditshme për të injoruar çdo mendim negativ që mund t’ju lindë.
4. Bashkohuni me një grup “mendjesh të ndritura”
Një grup i tillë është një grup mentorimi që funksionon midis individëve të një niveli të nëjtë, të cilët takohen rregullisht për të mbështetur njëri-tjetrin, të krijoni stuhi mendimesh dhe të shpërndani këshilla dhe të bashkëpunoni për sfidat. Një grup i mendjeve “master” mund të jetë i shkëlqyer për t’ju ndihmuar që të jeni të përgjegjshëm dhe të motivuar.
Grupe të tilla mund të takohen personalisht, online ose nëpërmjet telefonit. Për të gjetur një grup “master”, Meetup është një vend shumë i mirë për të filluar. Nëse nuk gjeni një për t’iu bashkuar, atëherë krijoni një me ata të cilët gjithashtu po nisin një biznes të tyrin.
5. Zhyteni veten duke “mësuar”
Bëni kërkime dhe studioni çdo gjë që ju duket se ka lidhje me biznesin tuaj. Interneti mundëson një bollshmëri me informacione të vlefshme për ndërtimin e një biznesi të suksesshëm. Merrni trajnime, punësoni një trajner ose gjeni një mentor. Dëgjoni audio dhe libra audio gjatë udhëtimit për në punë në mëngjes. Sa më shumë që mësoni dhe bëheni ekspert në fushën tuaj, aq sa më shumë do të jeni të sigurtë për veten, të motivuar dhe të suksesshëm.
6. Qëndroni pozitivë në lidhje me punën tuaj
Çdo ditë, mësoni dicka rreth punës suaj që e çmoni. Mbase ju kënaqeni me kolegët tuaj ose merrni gjithmonë pushime.
Çështja është të kërkoni gjërat e mira. Sa më shumë të fokusoheni te pozitivja e situatës aktuale, aq më shumë sukses do t’i sillni situatës aktuale, duke përfshirë biznesin tuaj. Mendimet negative ju thithin energjitë, duke jua vështirësuar ëndrrën tuaj.
7. Përcaktoni synime ditore
Bëni hapa të vegjël e të matshëm çdo ditë për të ecur në biznesin tuaj, por duhet të kuptoni se do të ketë momente ku ndjeni se nuk është bërë fare progres. Dëtyrat e përditshme në fillim do të jenë rraskapitëse. Kuptoni se është pjesë e ndërtimit të biznesit tuaj. Duke ndërmarrë hapa çdo ditë, që përfshijnë edhe ato të zakonshmet, do të filloni të shikoni rezultatet. Sa më shumë progres që të bëni, aq më shumë besim dhe vendosmëri do të keni për të ecur përpara.
Po të bëni këto veprime ndërsa jeni duke punuar në një punë të zakonshme, do të qëndroni të fokusuar, të motivuar dhe të angazhuar në bërjen e ëndrrës suj realitet. Madje do ta bëjnë kohën që kaloni te puna juaj të ikë më shpejt.
/Shkruar nga Grace Bluerock, Publikuar te Entrepreneur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
