JE GATI TË BËHESH PJESË E NJË KOMUNITETI FRYMËZUES? - Business Magazine Albania

JE GATI TË BËHESH PJESË E NJË KOMUNITETI FRYMËZUES?


Çfarë i dallon njerëzit që arrijnë të bëjnë diferencën?!

Dëshira e tyre e zjarrtë për të rikrijuar veten dhe botën e tyre. Kjo ambicie e fortë i ndihmon ata të tejkalojnë pengesat dhe t’ia dalin.

Po cilët janë keta njerëz rreth nesh, me vetëbesim, vullnet dhe pasion për të bërë diferencën?

Ne duam t’i njohim ata, t’i mbështesim, e të ndajmë idetë dhe artikujt e tyre me ju. Sa më shumë njerëz me ide me vlerë të promovojmë, aq më shumë mund të frymëzojmë.

Business Magazine, në bashkëpunim me iMentor Albania, sjell rubrikën më të re: Klubi i Ekspertëve. Misioni ynë është të promovojmë njerëz ambicioz e vizionarë:

  • Sipërmarrës inovativë
  • Ekspertë, profesionistë e trajnerë me përvojë
  • Mentorë dhe drejtues biznesi që frymëzojnë me vizionin e tyre.

Do të jetë vendi i njerëzve që duan të shprehen e meritojnë të dëgjohen. Jo vetëm një vend inspirues, por një dritare e hapur mbi botën dhe suksesin!

Do të përzgjidhen ekspertët dhe profesionistët nga më të mirët e fushave të ndryshme:- të biznesit, teknologjisë, psikologjisë, gazetarisë, medias & PR, artit, marketingut, shitjeve, lidershipit, etj. Kjo do të jetë platforma e tyre për të krijuar brandin personal, e për t’u pozicionuar si ekspert i fushës në audienca edhe më të gjera.

Nëse ti je eksperti që po kërkojmë, a je gati të bëhesh pjesë e këtij komuniteti frymëzues?

Pse duhet Klubi i Ekspertëve dhe çfarë vlere do të sjellë ?

Të rinjtë do të mësojnë në mënyrë praktike, përtej teorisë së librave. Ata kanë nevojë të njihen me sfidat e vërteta të tregut shqiptar, me të cilat ekspertët e fushave që ata aspirojnë janë përballur. Kjo është mundësia e tyre të diskutojnë me ta, “të pinë një kafe virtuale” me njerëzit që kanë dashur gjithmonë të takojnë e të marrin mësimet e vlefshme që ata kanë nxjerrë gjatë rrugës.

Si të aplikoni për t’u bërë pjesë e Klubit të Ekspertëve ?

Për  të  aplikuar, dërgo një email në renatocivili@businessmag.al  me subjekt “Aplikim për Klubin e Ekspertëve”, dhe një përshkrim rreth eksperiencës dhe fushës tënde të ekspertizës. Do të njoftojmë ne më pas me email për përgjigjen dhe për hapat në vijim.

Nëse dëshiron të na sugjerosh dikë, shkruaje emrin e tij/saj në hapësirën e komenteve në postimin tonë dhe na dërgo një e-mail. Ne e vlerësojmë mendimin tënd.

Kandidatët do të përzgjidhen nga aplikimet dhe nga referimet e komunitetit tonë online, dhe më pas do të vlerësohen nga paneli ynë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0