Ja si do të falen gjobat e vendosura gjatë pandemisë

Ja si do të falen gjobat e vendosura gjatë pandemisë

gjoba

Ministria e Financave ka nxjerrë udhëzimin, që shpjegon sesi do të falen gjobat e vendosura nga autoritetet shtetërore për mos respektim të rregullave të karantinës, si dhe ndëshkimet e bëra për riparimet pa leje në banesat e dëmtuara nga dy tërmetet, 21 shtator dhe 26 nëntor 2019.

Lexoni: Falen të gjitha gjobat e vendosura gjatë pandemisë

Individi apo biznesi që është gjobitur duhet të bëjë kërkesë pranë institucionit që e ka ndëshkuar për të marrë mbrapsht vlerën monetare që ka paguar.

Kërkesa duhet të përmbajë të dhënat personale të individit ose emrin e subjektit kur është biznes, ID e kartës së identitetit ose NIPT, IBAN dhe emrin e bankës pranë së cilës kanë llogarinë personale apo llogarinë e subjektit. Duhet të dorëzojë vërtetimin bankar që llogaria bankare ku do të arkëtohet kthimi i gjobës është aktive si dhe subjektet duhet të paraqesin edhe vërtetimin e Qendrës Kombëtare të Regjistrimit.

Pas dorëzimit të kësaj kërkese, është struktura përgjegjëse e institucionit që harton urdhërpagesën për vlerat total për çdo bankë ku është kryer arkëtimi i gjobës, duke e shoqëruar me listën emërore të përfituesve dhe më pas pritet aprovimi i Degës së Thesarit.

Pas miratimit nga Dega, strukturat përgjegjëse e dërgojnë listën pranë bankave respektive, që më pas të bëhet disbursimi i gjobës së paguar.

Në zbatim të aktit normativ të miratuar nga qeveria të gjithë ata të cilët nuk respektuan oraret e lëvizjes, qarkulluan me makina kur ishte e ndaluar apo hapën lokalet do të amnistohen, duke zhbërë të gjitha masat penalizuese të vendosura nga periudha 17 prill 2020 e deri më 7 tetor 2020, si dhe riparimet pa leje në banesat e dëmtuara nga tërmetet.

Paratë e gjobave pritet të kalojnë në llogaritë bankare brenda 15 nëntorit. Deri në të njëjtën datë duhet të rikthehen edhe lejet e revokuara, automjetet e bllokuara apo liçencat e hequra subjekteve të konstatuara me shkelje.

Ministria e Financave nuk dha të dhëna konkrete në Komisionet parlamentare se sa ishte numri i përfituesve, por shifra paraprake është 7200 gjoba të vendosura gjatë kësaj periudhe.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0