Vjeshta është tashmë këtu. Nëse planifikoni të vizitoni Tiranën gjatë muajit tetor, do të shihni bukuritë natyrore të vjeshtës. Moti herë është i ngrohtë e herë me shi, por qyteti është më i gjallë se kurrë.
Universitetet po nisin vitin akademik, ndaj shumë studentë nga Shqipëria po vijnë në Tiranë. Tetori është një kohë fantastike për aktivitete në natyrë, shëtitje, koncerte në zona të hapura, etj. Ky është muaji më i bukur i vjeshtës, kështu që ju mund të admironi trazirat e ngjyrave të vjeshtës. Parqet e Tiranës ndryshojnë ngjyrat nga jeshile në të artë, të kuqe dhe të verdhë.
Për të kapur të gjitha këto kolazhe të bukura ngjyrash, mos harroni të merrni pjesë në konkursin e fotografive në rrjetet sociale #TiranaVjeshtë2023, i cili zgjat deri më 30 nëntor.
Kush e di, ndoshta ju do të jeni fituesi.
Lexo edhe:Turizmi dhe energjia i japin hov tregut të qirasë financiare
Aktivitetet në tetor
Gjërat më të preferuara për të bërë në tetor janë aktivitetet në natyrë, shëtitjet në natyrë mes gjetheve të rëna, ndërsa në fundjavë mund të bëni piknik apo të udhëtoni në fshatra jashtë Tiranës si Pëllumbas, Farkë etj.
Agrotech Expo: Tashmë i njohur ndërkombtarisht, si eventi më i rëndësishëm në Shqipëri për sektorin, Edicioni i 4-rt i Panairit Ndërkombëtar të Bujqësisë, Blegtorisë dhe Kopshtarisë AGROTECH EXPO, i organizuar nga Expocity Albania, do të zhvillohet në datat 18-20 Tetor, 2023.Ky panair i ofrohet sektorëve dhe tregut si platforma më e rëndësishme e bashkëpunimeve të biznesit si edhe e promovimit e prezantimit tek të gjitha hallkat duke nisur nga konsumatori final, fermeri e deri tek furnitori e më pas prodhuesi.
Albanian Machine Learning Workshop: Workshop-i i Machine Learning në Shqipëri (AMLW) është pjesë e padiskutueshme e Serisë së Workshop-eve të Machine Learning në Evropën Lindore (EEML) dhe do të mbahet këtë vit më 20 tetor. Ky event është krijuar me kujdes për të hedhur dritë mbi sferat e e Deep Learning dhe Reinforcement Learning. Duke u përqëndruar në popullsinë studentore dhe praktikantët e industrisë, AMLW fokusohet në ngritjen e niveleve të njohurive dhe në nxitjen e diskutimeve në komunitetin e Machine Learning në Evropën Lindore. Ky event gjen rrënjë bashkëpunimi me Shoqatën e AI të Shqipërisë dhe pozicionohet si një tubim satelitor, duke rritur kështu ndikimin e shkolles verore EEML.
Maratona e Tiranës , e planifikuar për në 22 tetor, është eventi kryesor masiv sportiv që organizohet çdo vit në Tiranë, ku pritet të marrin pjesë qindra njerëz, një brez dukshëm më i ri.
Programi i Maratonës së Tiranës 2023 fillon me grumbullimin e sportistëve në orën 8:00 dhe përfundon me ndarjen e çmimeve në orën 14:00.
Climathon Tirana 2023: Në datat 26-29 Tetor, në qytetin e Tiranës, Climathon Tirana 2023 për të dytin vit radhazi hap dyert për të gjithë ata që kanë një zgjidhje për zhvillimet klimatike!
Ky event global synon të integrojë Tiranën dhe qytetarët e saj drejt një të ardhmeje më të qëndrueshme duke rritur efikasitetin funksional të qytetit, duke frymëzuar të rinjtë përballë sfidave klimatike dhe duke ofruar zgjidhje novatore për një të ardhme të qëndrueshme.
Hackathon nga “Fisa”: Akademia Fisa bën trajnime ekspertize dhe ju mëson për sulmet kibernetike në botën reale, parandalimin, analizimin e kërcënimit kibernetik, zbërthimin e vektorëve të sulmeve dhe Trajnimin e Plotë Praktik. “Fisa” do të mbajë konferencën Hackathon këtë vit në Tiranë në datën 27 tetor.
Gjithashtu, ditët e para të Nëntorit, për të gjithë të apasionuarit e Komunikimit, Marketingut, Inovacionit,do të zhvillohet konferenca AllWeb. Kompani dhe brande të mëdha, që kanë fokus tek transformimi dixhital, agjencitë e marketingut, ekspertë marketingu, konsulentë inovacioni, zhvillimi & programimi, ICT, mobile, profesionistë të PR dhe Social Media janë pjesë përbërëse e audiencës.
Ju mund të jeni një prej tyre!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
