Ja pse duhet ta vizitojnë Shqipërinë turistët e huaj

 Ja pse duhet ta vizitojnë Shqipërinë turistët e huaj

~4 minuta lexim


Edhe pse jemi një vend i vogël në kontinentin e Europës, jo shumë i zhvilluar ekonomikisht, duhet t’a konsiderojmë me fat veten që jemi pjesë e një vendi, të cilit natyra ia ka ndërthurur bukuritë në mënyrën më të mirë të mundshme.

Një ndërthurje kaq e mrekullueshme e bukurive natyrore në një vend të vogël si Shqipëria, nuk ka shpëtuar pa u komentuar vit pas viti nga mediat e huaja, si një nga vendet që duhet vizituar nga të huajt.

Në rrugët e kryeqytetit syri të ndeshet me grupe turistësh të shoqëruar nga guida, të cilët duan të njihen me kulturën dhe bukurinë e këtij vendi të vogël Ballkanik. E për të mos folur më tej për bujtinat të cilat janë “të pushtuara” nga turistët e huaj, pa lënë anash edhe detin dhe kalatë.

Agjencia turistike InTours për BusinessMag.al liston disa arsye pse turistët e huaj duhet të vizitojnë Shqipërinë:

  1. Është vend i pa eksploruar

Një pjesë e madhe e njërëzve të apasionuar pas udhëtimeve dhe eksplorimeve, ende nuk e dinë diçka rreth bukurive natyrore të këtij vendi. E ndoshta kjo ka ardhur nga mos promovimi mjaftueshëm apo ndoshta akoma nuk e dinë ekzistencën e këtyre bukurive natyrore.

  1. Ka klimë të pastër dhe të shëndetshme

Klima e favorshme e vendit tonë, të jep mundësinë që t’a vizitosh atë në çdo stinë të vitit duke shijuar kështu bukuritë e secilës stinë. Në verë mund të shijojnë detin, e në kohën kur bën pak më ftohtë edhe malet, bujtinat apo edhe vendet historike.

  1. Ka histori të pasur

Vizita në Shqipëri të jep mundësinë të njihesh me detaje historike të periudhave të ndryshme kohore, duke filluar që nga ajo e Skënderbeut, të cilën e dëshmojnë kalatë e kështjellat, ajo e mbretit Zog, e komunizmit e deri në demokraci.

Lexo: Turizmi po goditet nga situata politike. Shoqata e Tur-operatorëve: kemi anulime grupesh

  1. Mikpritja

Nëse viziton Shqipërinë, ke mësuar bazat e mikpritjes. Vendi ynë njihet si një nga vendet më mikpritëse të rajonit. Bujaria, sjellja dhe mikëpritja që bëjnë shqiptarët ndaj mysfirëve është një detaj që i dallon nga vendet e tjera dhe që nuk duhet humbur.

  1. Ka çmime konkurruese

Çmimet janë të favorshme për turistët e huaj madje janë edhe konkurruese në rajon. Duke filluar që nga hotelet, restorantet, bar-kafetë, por edhe dyqanet e veshjeve për të gjithë ata që interesohen për blerjes.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Dija është fuqi vetëm kur përdoret.”
— Dale Carnegie
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0