Ja çfarë na shpërqëndron në punë

Ja çfarë na shpërqëndron në punë


Çdo ditë pune e re, vjen me gjëra të reja, me më shumë përgjegjësi. Projektet, të cilat duhen mbaruar, për disa arsye zvarriten. Sa na shpërqëndrojnë mediat sociale, ose më saktë sa ndikojnë ato në shpërqëndrimin tonë? A janë në ndihmën tonë apo thjesht janë një zhurmues që na humbet kohën?

Është thuajse e pamundur që gjatë tetë orëve punë të jeni të përqëndruar çdo minutë tek puna. Mirëpo shpërqëndrimi ndikon direkt në produktivitetin tuaj. Shpesh herë kemi disa arsye apo shkaktarë, të cilët na shpërqëndrojnë dhe ndikojnë në produktivitetin tonë si psh: ambienti toksik i punës, mediat sociale, pushimet e shkurta mes orëve, ngarkesa me punë dhe projekte të shumta njëkohësisht, si dhe zhurmat në ambientet e punës. Le t’i shtjellojmë më poshtë këta faktorë:

Ambienti toksik

Ambienti i punës ndikon në produktivitetin tonë. Por, ambienti i punës jo gjithmonë është pozitiv, ai shpesh mund të jetë edhe toksik. Ky lloj ambienti do të ndikojë direkt tek produktiviteti juaj dhe do ta bëjë të mërzitshëm vendin e punës.

Pushimet e shkurtra

Shpesh herë, si pasojë e lodhjes duhet të pini një kafe të shkurtër apo të komunikoni me një koleg për punë apo edhe për diçka tuajën personale. Edhe pse ju mund të jeni më të përqëndruar pas një veprimi të tillë, nuk duhet të harroni edhe faktin se pjesa më e madhe e punonjësve që janë pjesë e këtij grupi humbasin mbi 24 minuta në ditë në këtë proces, kohë të cilën mund ta kishin shfytëzuar për të përfunduar një projekt të caktuar.

Ngarkesa me punë

Nëse besoni se të merreni me shumë projekte në të njejtën kohë, do të ndikojë në rritjen e produktivitetit tuaj, atëherë gaboheni. Të kalosh nga një projekt në një tjetër kërkon zhvendosjen e përqëndrimit, proces ky që ju merr kohë, të cilën mund ta kishit shfrytëzuar për të përfunduar vetëm një projekt të caktuar. Prandaj, të merresh me shumë projekte në të njëjtën kohë konsiderohet si një prej shpërqëndrimeve më të mëdha dhe që ndikon negativisht në uljen e produktivitetit.

Lexo: Gabimet që ju çojnë drejt dështimit

Mediat sociale

Mediat sociale janë një shpërqëndrues shumë i madh. Koha kur duhet të jeni produktivë shndërrohet në një kohë të shpenzuar kot. Sa më i kufizuar të jetë minutazhi i lundrimit në mediat sociale aq më produktivë do të jeni.

Zhurmat në ambientet e punës

Kolegët zhurmues janë një prej gjërave më të vështira për t’u ndryshuar pasi mënyra se si ne sillemi është krejt personale. Gjithsesi, ju duhet të mësoni se si të silleni me ta për të mirën tuaj, në mënyrë të tillë që ky ambient pune të mos ndikojë në uljen e produktivitetit tuaj.

Zvarritja e projekteve

Zvarritja e projektve ndikon negativisht në dorëzimin e projekteve të caktuara në kohën e duhur, rrjedhimisht duke ndikuar kështu edhe në uljen e produktivitetit tuaj. Duhet t’i kushtoni kohën e duhur një projekti dhe të mos e zvarrisni atë. Kjo është një fitore për ju dhe kompaninë në të cilën punoni.

Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0