Ja çfarë na mëson fitorja e Tiger Woods në Masters 2019


Fitorja e Tiger Woods në turneun Masters 2019 është konsideruar si një nga rikthimet më të mëdha në historinë e sportit. Turneu shënon fitimin e parë të lojtarit pas një hendeku prej më shumë se një dekade gjatë së cilës Woods iu nënshtrua traumave të mëdha fizike dhe psikologjike para se të kohët e fundit të shënonte fitoren e tij. 

Analogjia e këtij triumfi është e ngjashme me historinë e Steve Jobs tek Apple. Pas themelimit të kompanisë dhe duke u detyruar ta linte atë, Jobs jo vetëm u rikthye në Apple, por ai në fakt e çoi kompaninë shumë më lart. Tiger Woods ishte shumë lart në karrierën e tij të golfit kur rënia e tij ndodhi papritmas.

Lexoni: Këta janë 20 sportistët më të paguar në botë

Kampionati i fundit kur ai kishte fituar ishte në vitin 2018. Në vitet që pasuan u dëmtua fizikisht, duke kryer operacione të shumta, u bë pjesë e një skandali publik në lidhje me martesën e tij, përdorte në mënyrë të tepruar barna me recetë dhe u arrestua për ngarje makine nën efektin e substancave narkotike.

Pas kaq shumë dështimet madje edhe tifozët më të zjarrtë të Woods pyesnin veten nëse ai do të fitonte ndonjëherë një tjetër titull. Njerëzit në të vërtetë po spekulonin nëse ai do të luante përsëri, e më pas të fitonte në një turne. Hendeku i zgjatur midis fitores së fundit të Tiger dhe kjo e kohëve të fundit është ajo që e bën historinë  e tij shumë më frymëzuese.

Kjo fitore nuk është thjesht një triumf personal për Woods. Është një mësim për të gjithë ne në lidhje me durimin, këmbënguljen dhe përkushtimin. Ja se çfarë mund të mësoni nga rikthimi spektakolar i Woods.

Këmbëngulja paguan në afatgjatë

Udhëtimi i suksesit është i ndryshëm për të gjithë. Nëse keni ndërmend të ndërtoni një biznes teknologjik të fokusuar në zhvillimin e aplikacioneve ose po planifikoni për një startup jo teknologjik, shkallëzimi i të dy bizneseve kërkon dedikim dhe këmbëngulje. Rruga e sipërmarrjes është e karakterizuar nga ulje dhe ngritje.

Do të kishte raste kur gjithçka do të ishte e mrekullueshme dhe çdo gjë do të shkonte mirë dhe nga ana tjetër, do të kishte ditë, muaj apo vite kur asgjë nuk do të shkonte mirë. Frika e dështimit është një nga pengesat më të mëdha për t’u bërë një sipërmarrës.

Këmbëngulja është çelësi për të kapërcyer ujërat e panjohura. Tiger Woods i kishte humbur pothuajse të gjitha, duke u ballafaquar me dështime publike në mënyrë të vazhdueshme, humbi formën e tij dhe fitoret, por megjithatë ai këmbënguli dhe ja doli. “Ti nuk duhet të heqësh dorë kurrë,” thotë ai. “Gjithmonë duhet të luftosh. Të heqësh dorë nuk është kurrë pjesë e ekuacionit”.

Besoni në veten tuaj dhe ndiqni zemrën

Kjo fitore është ndoshta shembulli më i madh i besimit në aftësitë tuaja. Woods tha në një intervistë për CNN, “Unë mendoja se kjo ditë do të vijë. E dija se do e arrija këtë fitore. A e dija se do të ishte këtë javë? Jo. Por kisha një ndjenjë të mirë se mënyra se sipo luaja, do të më çonte në fitore”.

Ky besim i palëkundur në aftësitë tuaja është ai që ju duhet të keni sukses. Të kesh një ide biznesi është vetëm fillimi i rrugës sipërmarrëse. Strategjia gjatë rrugës, që përfshin testimin dhe validimin e idesë suaj të biznesit, duhet të mbështetet nga një besim në veten tuaj. Afati kohor dhe zhvillimi mund të ndryshojnë, por besimi dhe përkushtimi janë dy faktorët kryesorë që përcaktojnë suksesin tuaj.

Lexoni: Dështimi, fjala që urrejmë të gjithë, por që na mëson kaq shumë gjëra

Përdorni pikat tuaja të forta në avantazhin tuaj

Perfeksioni është një mit. Gjërat pozitive janë të balancuara nga ato negativet, por është fokusi në të parën që ju çon në rrugën e suksesit. Tiger Woods filloi karrierën e tij kur ishte i ri dhe arriti sukses të madh, por koha mori një kthesë mbi gjendjen e tij. Pasi u shërua nga një sërë dëmtimesh, pasi iu nënshtrua operacioneve të shumëfishta dhe luftoi me veten e tij, ai u përqëndrua në gjërat pozitive dhe i përdori ato në avantazhin e tij për të fituar turneun e pestë të Masters.

“Ndjeja sikur po i bashkoja të gjitha copat së bashku dhe duart po bënin gjithçka. Trupi nuk është i njëjtë me atë që ishte shumë kohë më parë, por ende kam duar të mira,” tha Woods në një intervistë pas fitores së tij në Augusta. Në mënyrë që të keni sukses, duhet të kuptoni gjërat pozitive dhe të përqendroheni në to.

Të qëndroni me këmbë në tokë është receta e suksesit

Mos e humbni shpresën kur dështoni dhe qëndroni me këmbë në tokë kur keni sukses. Kjo këshillë e vjetër është personifikuar nga Woods në fitoren e tij në Master. Kur triumfi i tij u shënua si historia më e madhe e shpengimit në historinë e sportit, ai hodhi poshtë këtë dhe vuri në dukje Ben Hoganin, i cili shkoi për të fituar në US Open në vitin 1950, vetëm një vit e gjysmë pas gati vdekjes në një aksident automobilistik.

Energjia që solli në lojë dhe përulësia e tij në rikthimin e madh e bën atë një kampion të vërtetë të golfit.

Lexoni: Si këta 10 miliarderë janë ballafaquar me dështimin?

burimi: Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale