IuteCredit blen kompaninë FINAL » Business Magazine Albania – Media Dixhitale dedikuar Sipërmarrjes
Përditësuar së fundmi: 20/07/2018

IuteCredit blen kompaninë FINAL

Share
nga Anerola Torollari
Kor 20, 2018
Studied at Faculty of Science, Content Editor Biznesi at Business Magazine
lexo me teper >

Balfin është një grup që po zgjerohet vazhdimisht duke investuar dhe blerë kompani. Por ai edhe po shet kompani të tij. Final është kompania që Balfin i ka shitur shoqërisë financiare IUTECREDIT ALBANIA sh.a.

Autoriteti i Konkurrencës ka miratuar transferimin e plotë të kuotave të FINAL te Iutecredit. Sipas Autoritetit të Konkurencës, shitja e aksioneve është njoftuar në muajin prill tek Autoriteti, me argumentin se IUTECREDIT po diversifikon portofolin në kreditë konsumatore e qiranë financiare.

Autoriteti ka vlerësuar se nuk do të ketë një shtrembërim të konkurencës me bashkimin e dy kompanive, pasi të dyja së bashku kanë një peshë të vogël në treg.

Në raport thuhet se, “Tregu gjatë vitit 2017 paraqitet i hapur (liçencimi për kredi dhe mikrokredi) dhe kjo evidentohet nga hyrja e tre konkurrentëve të rinj në treg. Shoqëria IuteCredit Albania paraqitet me një pjesë tregu të vogël ndërkohë që shoqëria Final SHA ka një fuqi në treg të limituar. Pas realizimit të përqendrimit fuqia ekonomike e IuteCredit Albania SHA ngelet pothuajse në të njëjtat nivele si para realizimit të transaksionit” vlerëson Konkurrenca. Këto të dhëna si dhe vlerësimi se nuk kemi mbivendosje horizontale të kompanisë kanë bërë që Autoriteti i Konkurrencës të miratojë vendimin.

Sipas të dhënave zyrtare, ka 22 shoqëri financiare jo banka që operojnë në tregun e kredisë, mikrokredisë, qirasë financiare dhe faktoringut të ofruara nga Subjektet.


Evente

Trajnim nga BERZH – Si të menaxhoni një kompani konsulence?

Tetor 29, 2018
- 30 Tetor, 2018 dhe 20-21 Nëntor 2018, ora 9:00 AM - 5:30 PM

Panairi i 21 i Librit “Tirana 2018”

Nëntor 14, 2018
– 18 Nëntor ora 08:00 - 21:00