Ish shefja e FMN: kriptovalutat nuk vlejnë asgjë - Business Magazine Albania

Ish shefja e FMN: kriptovalutat nuk vlejnë asgjë

kriptovalutat

Presidentja e Bankës Qendrore Europiane, Christine Lagarde mendon se kriptovalutat nuk vlejnë asgjë. “Vlerësimi im shumë i përulur është se nuk vlen asgjë,” tha Lagarde për kriptot në një intervistë për emisionin holandez “College Tour”. “Bazohet në asgjë,” shton ajo duke theksuar se, “Nuk ka asnjë aset themelor që të veprojë si një spirancë sigurie.”

Lagarde u bëri thirrje politikëbërësve në nivel global që të vendosin rregulla për të mbrojtur investitorët e papërvojë, të cilët vënë baste të mëdha në asetet digjitale. Kriptomonedhat janë zhytur këtë vit, ku bitcoin ka fshirë më shumë se gjysmën e vlerës së tij, që nga nivelet më të larta të nëntorit.

Jam e shqetësuar për ata njerëz që mendojnë se do të jetë një shpërblim, që nuk i kuptojnë rreziqet, të cilët do t’i humbasin të gjitha dhe që do të jenë tmerrësisht të zhgënjyer. Prandaj besoj se kjo duhet të rregullohet,” tha Lagarde.

Një anëtar i audiencës së shfaqjes tha se humbi 7,000 euro (7,469 dollarë) pasi bleu token Cardano, cka dhemb, sipas Lagarde.

Lexo: Përgjysmohet çmimi i Bitcoin, presidenti i El Salvadorit vazhdon të blejë

Dyshimi i ish-shefes të Fondit Monetar Ndërkombëtar ndaj kriptove nuk është i ri. Ajo ka ngritur më parë shqetësime për ndikimin mjedisor të monedhave digjitale, si dhe përdorimin e tyre të mundshëm në pastrimin e parave dhe evazionin e sanksioneve.

Komentet e saj të fundit mbërrijnë në një kohë të një kontrolli të shtuar të tregut të kriptove, pasi rregullatorët reagojnë ndaj pasojave nga rënia e terraUSD, e ashtuquajtur monedhë e qëndrueshme, që ishte menduar të kishte gjithmonë vlerën 1 dollar.

Disa banka qendrore po punojnë për alternativat e tyre virtuale ndaj parave të gatshme në përgjigje të rritjes së shpejtë të monedhave digjitale, ku BQE është një prej tyre. Një euro digjitale do të ishte “shumë ndryshe” nga kriptovalutat private, tha Lagarde.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0