“E dua vendin tonë dhe po e konsideroj seriozisht që të kandidoj për president si një kandidat i pavarur,” tha ai në një intervistë.
Lexoni: Strategjia e Starbucks: Të shkruash emrin e konsumatorit gabim
Në një intervistë me The New York Times, Schultz tha se do të udhëtojë në të gjithë vendin për një turne librash gjatë tre muajve të ardhshëm, gjatë së cilës ai do të vendosë nëse do të deklarojë zyrtarisht kandidaturën e tij.
Në një intervistë për “60 Minutes” me korrespondentin Scott Pelley, Schultz tha se presidenti Donald Trump vuan nga mungesa e kualifikimeve. Por ai gjithashtu vuri në dukje që si demokratët ashtu edhe republikanët nuk po kontribuojnë në atë që po ndodh në Amerikë.
“Jo vetëm fakti se ky president nuk është i kualifikuar për të qenë president, por fakti se të dyja palët vazhdimisht nuk po bëjnë atë që është e nevojshme në emër të popullit amerikan, janë të angazhuar çdo ditë në politikën hakmarrëse,” tha ai.
“Kur dëgjoj njerëzit që përkrahin kolegj falas, kujdes shëndetësor falas dhe një punë falas qeveritare për të gjithë – në krye të borxhit prej 21 trilionë dollarësh – pyetja është se si ne paguajmë për të gjitha këto dhe nuk po e falimentojmë vendin?” tha ai.
Tashmë kjo kandidaturë e Schultz për 2020 ka vënë në lëvzje demokratët, të cilët po paralajmërojnë ish-shefin e Starbucks se një kandidaturë e pavarur mund të ndihmojë shanset e fitores së Trump në vend që t’i dëmtojë ato.
Schultz tha se mungesa e përkatësisë partiake do të ishte një “fitore” për amerikanët.
Lexoni: Profil/Historia e suksesit të drejtuesit të Starbucks, Howard Schultz
“Dua ta shoh popullin amerikan të fitojë. Dua të shoh fitoren e Amerikës,” tha ai. “Nuk më intereson nëse jeni demokrat, i pavarur, libertarian, republikan, më sillni idetë tuaja dhe unë do të jem një person i pavarur që do t’i përqafoj këto ide, sepse nuk jam në asnjë mënyrë në koalicion me asnjë parti.”
Schultz ka qenë CEO i Starbucks derisa u shkëput në Prill të vitit 2017. Ai më pas dha dorëheqjen si kryetar në Qershor të 2018 dhe përsëri shkaktoi thashetheme për një kandidaturë presidenciale. Libri i Schultz, “From the Ground Up: A Journey to Reimagine the Promise of America,”, u lançua në 28 Janar.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
