Në rrjete sociale si Twitter dhe Reddit janë shpërndarë fotografi nga përdorues të iPhone 17 Pro dhe iPhone 17 Pro Max që pretendojnë se modelet e tyre me ngjyrën “Cosmic Orange” po marrin një nuancë rozë pas disa javësh përdorimi.
Ngjyra “Cosmic Orange” është opsioni “Hero” i modeleve të rinj të iPhone 17 Pro, e dalluar për pamjen e saj të gjallë me përfundim prej alumini të anodizuar (Anodized Aluminum). Por, sipas raporteve, pikërisht kjo lloj përfundimi mund të jetë shkaku i problemit. Ndryshe nga metale më të forta si titani, alumini i anodizuar ka një sipërfaqe poroze që lejon ngjyruesit të depërtojnë në metal, duke i dhënë pamjen e ndezur. Pas procesit të ngjyrosjes, metali mbyllet për të ruajtur ngjyrën.
Sipas një raporti të Tom’s Guide, i cili citon një postim të vitit 2013 nga Mark Jazefowicz, Zëvendës President i Shërbimeve Teknike në PF Finishing (i cituar nga TechRadar), alumini i anodizuar kalon nëpër procese të rrepta pastrimi dhe sterilizimi që ndonjëherë përfshijnë peroksid hidrogjeni. Ky kimikat, i zakonshëm në produkte kozmetike dhe pastruese, mund të shkaktojë “zbehje ose ndryshim të dukshëm të ngjyrës” pas vetëm disa ekspozimesh. Nëse këto produkte vijnë në kontakt me kornizën e iPhone 17 Pro, mund të jenë shkaku i nuancës rozë që shumë përdorues po vënë re.
Çfarë thotë Apple për pastrimin e iPhone-ve
Në faqen zyrtare të mbështetjes, Apple këshillon të mos përdoren produkte pastrimi që përmbajnë zbardhues ose peroksid hidrogjeni kur pastrohen pajisjet e saj. Në vend të tyre, kompania rekomandon metoda më të sigurta për të ruajtur pamjen e pajisjes: “Mund të pastroni lehtë sipërfaqet e forta, jo-poroze të produktit tuaj Apple — si ekrani, tastiera apo pjesët e jashtme — duke përdorur një pecetë me 70% izopropil alkool ose 75% etil alkool. Mos përdorni këto produkte në Apple Vision Pro pasi mund të dëmtojnë pajisjen. Mos përdorni produkte që përmbajnë zbardhues ose peroksid hidrogjeni. Shmangni futjen e lëngjeve në hapje dhe mos e zhytni produktin në lëndë pastruese. Mos i përdorni këto produkte mbi sipërfaqe prej lëkure apo pëlhure.”
Ende asnjë reagim zyrtar nga Apple
Apple nuk ka dhënë ende një deklaratë zyrtare lidhur me problemin e ndryshimit të ngjyrës. Deri atëherë, përdoruesve të iPhone 17 Pro u rekomandohet të jenë të kujdesshëm gjatë pastrimit dhe të shmangin kontaktin me kimikate që mund të ndikojnë në përfundimin e aluminit anodizuar — për të ruajtur shkëlqimin e ngjyrës Cosmic Orange që e bën këtë model kaq të veçantë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
