“Ipervox” shpallet fitues i edicionit të parë Uplift Albania


Uplift Albania, programi i akselerimit të bizneseve sapo mbylli edicionin e parë në Shqipëri. Ky projekt u soll për herë të parë në vendin tonë nga ICTSmedia, në bashkëpunim me kompaninë sllovake “SOLO”.

7 skuadrat finaliste të përzgjedhura nga një numër total prej 52 skuadrash, prezantuan startup-et e tyre përballë jurisë dhe të pranishmëve në sallë.

Startup-i fitues u shpall pasi skuadrat mbaruan prezantimet dhe iu përgjigjën pyetjeve të jurisë.

Juria shpalli fitues “Ipervox”, themeluar nga Juxhin Radhima. Ipervox është platformë online, e cila ka krijuar një aplikacion zëri, përmes së cilit përdoruesit mund të japin komanda për gjërat që duan. Ky aplikacion është shumë i thjeshtë në përdorim. Mjafton që të hysh në platformën IPERVOX.com dhe të krijosh një llogari personale për të përdorur aplikacionin. Gjatë prezantimit, CEO i IPERVOX tha se është krenar për faktin se biznesi i tyre ka partneritet me Amazone. “Klientët e Amazone përdorin pikërisht Ipervox për të dhënë komanda përmes zërit. Brenda 3-5 vitesh ne synojmë të jemi lider në tregun ndërkombëtar”, tha Radhima.

Çmimi për fituesin ishtë një çek me vlerë 3 mijë euro, i cili iu dorëzua CEO-s së Ipervox nga përfaqësuesja e Credins Bank, Valbona Guri.

Lexo: 10 startup-et fituese të programit të akselerimit në Uplift Albania

Krahas çmimit të madh, pati edhe çmime të tjera për startup-et.

Përfaqësuesja e EU innovation, Jacqueline Jasper ftoi tre prej startup-eve të marrin pjesë në një projekt gjigand startup-esh 2 javor gjatë muajit mars në Gjermani. Fituesit që do marrin pjesë në këtë program të sposorizuar nga EU innovation janë: “Game On”, “Plexus” dhe “Amargi”.

Gjithashtu, “Amargi” dhe “Ipervox” u ftuan nga kompania kompjuterike Tegeria të marrin pjesë në një web-samit që do zhvillohet gjatë muajit nëntor. Web-samiti sponsorizohet nga Tegeria.

Të pranishëm në event ishin edhe kryetari i bashkisë Erion Veliaj, Ministri i Shtetit për Sipërmarrjen Eduard Shalsi dhe Niko Peleshi. Gjatë fjalës së tyre përshëndetëse, të tre përfaqësuesit e pushtetit shprehën vlerësimin e tyre për Uplift Albania dhe skuadrat pjesëmarrëse.

Uplift Albania përmbyll fazën e parë me fitues, pas 3 muajsh nga themelimi, dhjetëra takime, prezantime e trajnime, si një ndër akseleratorët më të rinj rajonalë. Tetë startup-et e mbërritura në finale shpalosën progresin e tyre përgjatë këtij edicioni. Ato u përzgjodhën nga 52 që kishin aplikuar nga 6 shtete të rajonit.

Uplift Albania u themelua për sipërmarrësit e rinj, të cilët kërkojnë mbështetje, duke ofruar resurse jetike si mundësi për investime graduale përmes rrjetit të partnerëve dhe investitorëve për të zhvilluar një projekt që në hapat e para si dhe siguruar mentorim për një feedback efektiv dhe burim të vazhdueshëm njohurish.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale