Invest Macedonia-Shqipëri & Kosovë, Road Show në jug të Shqipërisë


Tiranë më 28.03.2016-Zyra Ndërkombëtare Invest Macedonia-Shqipëri & Kosovë pas organizimit të suksesshëm të Misionit Ekonomik në Shqipëri dhe Forumit të Biznesit dhe Investimeve edicioni i tretë në Tiranë do të ndërmarrë nga data 28 Mars deri në datë 3 Prill një tur njohës ekonomik (Road Show). Ky tur do të përqendrohet kryesisht në zonat e Jugut të Shqipërisë.

I pari i këtij lloji i zhvilluar nga Zyra Ndërkombëtare Invest Macedonia-Shqipëri & Kosovë, Road Show do të nisë nga qyteti i Fierit, për të vazhduar më pas në Gjirokastër, Vlorë, Sarandë dhe për të përfunduar në Tiranë. Drejtuesi i kësaj zyre Z. Fatos Mustafa e ndërmerr këtë Road Show, duke ndjekur politikën e promovimit të Invest Macedonia, e cila konfirmon edhe një herë vullnetin dhe përpjekjet për të zhvilluar në nivel më të lartë marrëdhëniet ekonomike mes Maqedonisë dhe Shqipërisë.

Në të gjitha bashkitë ku do të zhvillohet ky tur, do të ndërmerren takime me drejtuesit e dhomave të tregtisë dhe industrisë, drejtuesit e bashkive përkatëse, si dhe do të zhvillohen vizita në kompanitë më të mëdha të qarqeve.

“Synimi ynë është të risim bashkëpunimin ekonomik mes Maqedonisë dhe Shqipërisë dhe më konkretisht me disa nga qarqet më të rëndësishme të Shqipërisë së Jugut. Të dyja palët do të eksplorojnë hapësirat ku mund të rriten shkëmbimet tregtare, turizmi, investimet etj. Në axhendën disa ditore janë programuar vizita njohëse në disa nga kompanitë më të mëdha të këtyre zonave”, tha Z. Fatos Mustafa drejtues i Zyrës Ndërkombëtare Invest Macedonia-Shqipëri & Kosovë.

Takimet e tipit G2B, G2G, me kryebashkiakët, me Dhomat e Tregtisë dhe Industrisë të Fierit, Lushnjës, Gjirokastrës, Vlorës, Sarandës do të krijojnë mundësinë për të ftuar këto delegacione në takime të ndërsjelltë në Maqedoni, por edhe për të nënshkruar marrëveshje binjakëzimi në fusha, si ajo ekonomike, kulturore, historike, turizëm etj. Kjo do t’u krijojë mundësinë sipërmarrjeve të të dyja vendeve të prezantohen para tregjeve më të mëdha, të prezantojnë oferta të përbashkëta në turizëm etj.

Gjithashtu Zyra Ndërkombëtare Invest Macedonia-Shqipëri & Kosovë do të organizojë takime edhe me drejtuesit e dy porteve të rëndësishme, si ai i Vlorës dhe Sarandës për t’u njohur nga afër me investimet e realizuara dhe mundësitë për t’i shërbyer në të ardhmen biznesit dhe turistëve nga Maqedonia. Road Show do të ndalet edhe në skajet më të largëta të jugut të Shqipërisë, si në Konispol dhe Xarrë. Ky event do të kulmojë në muajin Qershor kur do të bëhet e mundur ardhja e mbi 40 sipërmarrjeve nga Maqedonia që do të shohin nga afër mundësitë për të rritur dhe zgjeruar aktivitetet e tyre, si dhe anasjelltas.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale