"Intours albania" përmes platformës online, mundësi pushimesh edhe për turistët vendas

“Intours albania” përmes platformës online, mundësi pushimesh edhe për turistët vendas


Si turistë, a ju ka ndodhur të frekuentoni hotele në Shqipëri, që janë në fakt top destinacionet e të huajve? Shpesh ankohemi se nuk gjejmë destinacione të mira në vend, por ndërkohë shifrat tregojnë se të huajt po e zgjedhin gjithnjë e më shumë Shqipërinë si një vend për të pushuar.

Agjensia e udhëtimeve dhe Tour Operatori “Intours albania” ka investuar së fundi në platformën online, ku çdo shqiptar mund të vendoset përkrah një turisti të huaj për të marrë cilësi të mirë shërbimi, pa pasur nevojë të paguajë çmime të kripura.

Astrit Kurti, drejtues i kompanisë, thotë se, “përmes platformës online, ne ua ofrojmë Shqipërinë të huajve, por pse jo edhe qytetarëve shqiptarë. Ne kemi mijëra dhoma, të cilat, kur nuk mbushen nga të huajt, pse të mos mund të ofrohen për klientët vendas.”

Partneriteti me kompaninë menaxhuese të hoteleve, “Harmoni Hotels Group”, bën të mundur që “intours” të ofrojë oferta kur ka kapacitete akomoduese të lira. “Shërbimet që u japim të huajve, synojmë të mund t’i japim dhe për vendasit. Një fundjave, disa ditë”, thotë Kurti. Akomodimet në dispozicion  mund të shihen tek “intours albania”, ndërsa mundësia e pagesave është po ashtu një opsion lehtësues.

Përmes një forme organizimi efektive, “intours” operon bashkë me “Harmony”, duke pasur në menaxhim 6 hotele në Durrës e Sarandë, me një kapacitet prej rreth 400 dhomash.

Kjo ka bërë që së fundi, në Durrës të rikthehen pushimet cilësore, madje të shtrira në kohë. Turistët polakë e çekë, por edhe nga vendet nordike, nuk presin pikun e verës për të pushuar në Shqipëri.

Drejtuesi i “intours albania” është optimist për ecurinë e turizmit këtë vit. Pritshmëritë e tij, janë për një zhvillim të sektorit deri në 15% krahasuar me një vit më parë, ndërsa shpreson që shërbimi publik (rrugë e pastërti) të jenë brenda standardeve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0