Maska e ripërdorshme do të përfshijë një rrjetë bakri të nxehtë që funksionon me bateri dhe rrethohet nga neopreni izolues.
Në vend që ta filtrojë, një maskë elektrike mund ta vrasë koronavirusin duke e kaluar ajrin që thithim në një sitë bakri me nxehtësi 90 gradë. Ky është projekti i MIT (Instituti i Teknologjisë së Masaçusetsit) në SHBA.
Bëhet fjalë për një maskë me bateri që, nëse do të arrijë të komercializohet, sigurisht që do të kushtojë më shumë sesa një maskë tekstili, kirurgjikale apo N95.
Lexoni: Fëmijët mbi 6 vjeç rekomandohen të mbajnë maska
Kërkuesit shkencorë kanë bërë kërkesën për marrjen e patentës për këtë maskë dhe kanë nisur krijimin e prototipëve mbi të cilët do të kryejnë testimet e duhura.
“Është një maskë krejtësisht e re, që nuk ka për qëllim që të bllokojë virusin, por ta lërë që të hyjë dhe pastaj ta vrasë”, shprehet inxhinieri kimik Michael Strano.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
