Kreu i Instagramit, Adam Mosseri tha se aplikacioni tani i lejon të gjithë përdoruesit në mbarë botën të shkarkojnë Reels publike në pajisjet e tyre. Përpara kësaj veçorie, ju mund t’i ruani Reels vetëm në aplikacionin Instagram për t’i parë ato më vonë.
Mosseri tha në kanalin e tij të transmetimit në Instagram se Reels-at e shkarkuar do të kenë një shenjë në Instagram me një emër llogarie – ashtu si ato që jemi mësuar të shohim në TikTok.
Përdoruesit mund të prekin butonin e shpërndarjes(share) dhe të zgjedhin opsionin e shkarkimit për të ruajtur një reel. Llogaritë do të kenë mundësinë të çaktivizojnë shkarkimin për reels-at e tyre. Mund ta çaktivizoni opsionin e shkarkimit përmes Settings > Privacy > Reels and Remix dhe klikoni mbi butonin “Lejo njerëzit të shkarkojnë reels-at tuaj”.
Lexo edhe:Studiuesit e OpenAI paralajmëruan bordin për rrezikun e madh nga AI para largimit të Altman?
Veçanërisht, nëse po shkarkoni një Reel që përdor një klip audio të licencuar, videoja e shkarkuar nuk do të ketë asnjë audio. Në klipin e shkarkuar do të kenë muzikë vetëm videot me pjesë audio origjinale.
Kompania filloi të lejojë shkarkimin e Reels për përdoruesit me bazë në SHBA në qershor dhe tani po e shpërndan aftësinë për përdoruesit në të gjithë botën.
Në vitin 2021, Instagram ndaloi së rekomanduari klipe me shenjën e TikTok (ose ndonjë shenjë tjetër). Në gusht 2022, YouTube filloi të vendosë një shenjë të bazuar në logo në Shorts të shkarkuar – produkti i shkurtër video i kompanisë – për të penguar ndarjen ndër-platformë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English