Instagram do t’u kërkojë llogarive të dyshimta të identifikohen përmes kartës së identitetit. Këto llogari mund ta vërtetojnë identitetin e tyre edhe përmes patentës, llogarisë bankare apo një adrese e-maili.
Në shënjestër do të vihen të gjitha ato llogari që sipas inteligjencës artificiale nuk përfaqësojnë identitetin e personave realë prapa tyre, duke patur edhe një sjellje potencialisht të gënjeshtërt në rrjet, si për shembull ata që kanë pak postime, shumë ndjekës, lëvizje të çuditshme, me aktivitetet të shënjestruar etj.
Të gjithë këtyre profileve do t’i kërkohet një dokument real zyrtar dhe nëse nuk do t’i përgjigjet kërkesës, pra nëse nuk do paraqesë fotokopjen e dokumentit, profili do të ketë penalizime të forta, deri në mbyllje të llogarisë.
Kjo masë është ndërmarrë jo vetëm për arsye të ruajtjes së privatësisë e qetësisë për çdo përdorues nga profilet toksikë, por edhe në kuadër të makroproblemit, për çështje sondazhesh në zgjedhje, biznesesh, apo çështje ndërkombëtare që prekin shumë interesa.
Politika e re e Insagram vjen pak muaj para zgjedhjeve presidenciale në SHBA. Rrjeti social Facebook, i cili ka në pronësi Instagram, është akuzuar gjatë për shpërndarje të informacioneve të rreme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
