INNVEST SUMMIT mblodhi bashkë inovatorët - Business Magazine Albania

INNVEST SUMMIT mblodhi bashkë inovatorët

INNVEST SUMMIT

Për të dytin vit rradhazi INNVEST Fund mbajti Samitin e investimeve në Shqipëri me fokus teknologjinë! Nën moderimin e Fabiola Duro, themeluese dhe CEO e INNVEST Fund dhe disa prej emrave që kanë dhënë kontributin e tyre në komunitetin e sipërmarrjeve në Shqipëri si: Brunilda Isaj, Linda Dervishaj dhe Gerti Boshnjaku, profesionistë të industrive të ndryshme u bënë bashkë për t’iu përgjigjur pyetjes kryesore: Ku do të shkojmë më tej? (Where to next?)

Përpos partnerëve dhe sponsorëve të shumtë, këtë vit spikati edhe mbështetja e një prej Samiteve më të mëdha botërore Wolves Summit, për të cilën Michael Chaffe dërgoi një mesazh virtual. 

“Wolves Summit ka kënaqësinë të jetë prezent si partner i INNVEST Summit…Qëndroni të përgatitur sepse na pret një dekadë emocionuese. Le të shohim se çfarë magjie mund të krijojmë së bashku”. Ishte kjo një pjesë e mesazhit të Michael për INNVEST.

Samiti konsistoi në tri shtylla kryesore, të cilat bënë të mundur kalimin në secilën industri dhe secilin aktor të ekosistemit shqiptar, për të diskutuar mbi inovacionin dhe zhvillimin që po ndodh aktualisht në Shqipëri dhe atë që pritet në vijim. Dy panele profesionistësh ishin të parët që ndanë njohuritë e tyre me audiencën të moderuar nga: Brunilda Isaj dhe Linda Dervishaj me pjesë të panelit: Valbona Guri nga Credins Bank, Alket Meslani nga MVM Architecture, Majlinda Kalo nga Kalo & Association, Majlind Lazimi nga Abkons dhe Ardian Isufi, artist dhe kurator. Në vazhdim, paneli i dytë vendosi përballë: Herjola Spahiu nga NOA Bank, Gjergji Guri nga Facilization, Linda Shomo nga Easy Pay, Jonian Antoni nga Century 21 dhe Mergim Cehani, themelues i Gjirafa.

Gerti Boshnjaku, lider i platformës AlbaniaTech prezantoi misionin për të bërë bashkë gjithë aktorët e ekosistemit shqiptar të teknologjisë dhe inovacionit si dhe ecurinë e AlbaniaTech në kaq pak kohë të krijimit të saj. Ai ftoi të gjithë pjesmarrësit të kontribuojnë në krijimin e kësaj databaze të nevojshme për komunitetin e sipërmarrjes në Shqipëri.

“Innovators Challenge” solli në skenë 10 startup-e me idetë e tyre unike në fushat e: Fintech, arkitekturë, teknologji, e-learning etj., të cilët bënë thirrje për partneritete që do t’i ndihmojnë ata të sjellin idetë e tyre në jetë. Diskutimi vazhdoi dhe u finalizua me “Netëorking Session” në ambientet e ArTurbina, të dekoruara nga stendat mikpritëse të mbështetësve të këtij samiti.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #33 - Nëntor 2023

Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.

Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.

Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.

Marjana Koçeku, …

Shiko më shumë
Na ndiqni në rrjetet sociale
0