Innovation Challenge Fund hap aplikimet për financimin e startup-eve inovative dhe organizatave - Business Magazine Albania

Innovation Challenge Fund hap aplikimet për financimin e startup-eve inovative dhe organizatave

~3 minuta lexim


Innovation Challenge Fund, ka hapur mundësinë e aplikimit në mbështetje të sipërmarrjeve startup dhe organizatave. Programi i mbështetur nga Bashkimi Europian, qeveritë suedeze dhe gjermane, parashikon mbështetjen e ideve inovative.

The challenge Fund është një institucion financimi konkurrues, i cili do të përdoret si mjet për të lehtësuar qasjen në financa për kompanitë inovative në fazë të hershme të zhvillimit, si dhe për organizatat e angazhuara në shërbime për fillimin e inovacioneve dhe promovimin e sistemit shqiptar të inovacionit.

Fondi ka për qëllim që të dy palët, si bizneset startup dhe organizatat, (ofrues të shërbimeve inovative) të mbështeten në rritje kapacitetesh në forma të ndryshme përmes asistencës teknike të GIZ. Fondi do të sigurojë financim për kompanitë më premtuese për t’i ngritur ato në sipërmarrje inovative.

Fondi parashikohet të sigurojë financim për ofruesit më të mirë të shërbimeve të inovacionit për të përmirësuar më tej kapacitetin e tyre dhe / ose për të zhvilluar shërbime të reja për inovacionin dhe komunitetin fillestar në Shqipëri.

Fituesit e grandit do të përzgjidhen në bazë të disa kritereve konkurruese. Selektimi do të bëhet bazuar në kritere specifike nga një komitet vlerësimi me ekspertë ndërkombëtarë. Të gjitha aspektet e financimit do të zhvillohen në mënyrë dixhitale përfshirë edhe procesin e aplikimit.
Aplikimi për sipërmarrjet parashikon të mos kalojë 7 mijë euro për idetë stratup (të paregjistruara), deri në 15 mijë euro për startup-et e reja, të regjistruara nën dy vjet dhe 25 mijë euro për startup-et e regjistruara mes 13-36 muaj.

Minimumi i bashkëfinancimit nga aplikuesit nuk duhet të jetë më pak se 50% e gjithë kostos së projektit.

Për organizatat, mbështetja financiare është deri në 100 mijë euro.
Kliko Këtu për t’u informuar dhe aplikuar si startup ose organizatë.

Euforinnovation.al

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Puna jote do të mbushë një pjesë të madhe të jetës tënde.”
— Steve Jobs
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0