“Vështirësitë janë të ndryshme sidomos në një biznes që fillimisht ka funksionuar vetëm online dhe në periudhën që e kam nisur, pjesa online nuk ishte dhe aq e populluar sa është sot. Ndaj duhej punë e strategji që të filloja të kisha shitje”, shprehet Klea.
Për një biznes që operon në sektorin e kujdesit për fytyrën dhe kujdesit për flokët, sfidat me të cilat haset ndër të tjera janë besueshmëria e konsumatorit.
Klea ka studiuar për farmaci dhe aktivitetin e saj e ka nisur me baza të thjeshta 3-4 ingredientë dhe me vetëm 60 euro. Një aktivitet që operon vetëm online ju mund të gjeni produkte të tilla si maska, serume, parfume solide, shampo, skrape, etj.
“Pas një viti parashikoj që të gjitha produktet të jenë të certifikuara duke qenë se bazat i kam të certifikuara. Kjo do të rriste shumë kredibilitetin që ka klienti ndaj produktit tim” , thotë Klea.
E ndërsa në planet e saj është tregu ndërkombëtar, për të shkuar atje i nevojitet që të gjitha produktet të kalojnë në prodhim fabrike dhe të marrë certifikimet përkatëse sipas Konventës së Madritit.
Për Klean cilësia bën diferencën dhe produktet e saj 100% organike, të përgatitura me dorë dhe natyrale mesa duket kanë arritur ta dallojnë atë në tregun shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
